| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૪. ચતુત્થપાટિદેસનીયસિક્ખાપદવણ્ણના
4. Catutthapāṭidesanīyasikkhāpadavaṇṇanā
આરામે વા આરામૂપચારે વા પટિગ્ગહેત્વા અજ્ઝોહરન્તસ્સાતિ આરામે વા આરામૂપચારે વા પટિગ્ગહેત્વા આરામે વા આરામૂપચારે વા અજ્ઝોહરન્તસ્સાતિ અત્થો.
Ārāme vā ārāmūpacāre vā paṭiggahetvā ajjhoharantassāti ārāme vā ārāmūpacāre vā paṭiggahetvā ārāme vā ārāmūpacāre vā ajjhoharantassāti attho.
બહારામે પટિગ્ગહિતં અજ્ઝારામે ભુઞ્જન્તસ્સ અનાપત્તિ. અઙ્ગેસુ ચ ‘‘અજ્ઝારામે વા આરામૂપચારે વા પટિગ્ગહણ’’ન્તિ ગહેતબ્બં. અજ્ઝારામે હિ દસ્સિતે આરામૂપચારં દસ્સિતમેવાતિ. ‘‘સમુટ્ઠાનાદીનિ કથિનસદિસાનિ, ઇદં પન કિરિયાકિરિય’’ન્તિ પાઠો.
Bahārāme paṭiggahitaṃ ajjhārāme bhuñjantassa anāpatti. Aṅgesu ca ‘‘ajjhārāme vā ārāmūpacāre vā paṭiggahaṇa’’nti gahetabbaṃ. Ajjhārāme hi dassite ārāmūpacāraṃ dassitamevāti. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho.
ચતુત્થપાટિદેસનીયસિક્ખાપદવણ્ણના નિટ્ઠિતા.
Catutthapāṭidesanīyasikkhāpadavaṇṇanā niṭṭhitā.
પાટિદેસનીયવણ્ણના નિટ્ઠિતા.
Pāṭidesanīyavaṇṇanā niṭṭhitā.
