| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
4. சதுத்த²பாடிதே³ஸனீயஸிக்கா²பத³வண்ணனா
4. Catutthapāṭidesanīyasikkhāpadavaṇṇanā
ஆராமே வா ஆராமூபசாரே வா படிக்³க³ஹெத்வா அஜ்ஜோ²ஹரந்தஸ்ஸாதி ஆராமே வா ஆராமூபசாரே வா படிக்³க³ஹெத்வா ஆராமே வா ஆராமூபசாரே வா அஜ்ஜோ²ஹரந்தஸ்ஸாதி அத்தோ².
Ārāme vā ārāmūpacāre vā paṭiggahetvā ajjhoharantassāti ārāme vā ārāmūpacāre vā paṭiggahetvā ārāme vā ārāmūpacāre vā ajjhoharantassāti attho.
ப³ஹாராமே படிக்³க³ஹிதங் அஜ்ஜா²ராமே பு⁴ஞ்ஜந்தஸ்ஸ அனாபத்தி. அங்கே³ஸு ச ‘‘அஜ்ஜா²ராமே வா ஆராமூபசாரே வா படிக்³க³ஹண’’ந்தி க³ஹேதப்³ப³ங். அஜ்ஜா²ராமே ஹி த³ஸ்ஸிதே ஆராமூபசாரங் த³ஸ்ஸிதமேவாதி. ‘‘ஸமுட்டா²னாதீ³னி கதி²னஸதி³ஸானி, இத³ங் பன கிரியாகிரிய’’ந்தி பாடோ².
Bahārāme paṭiggahitaṃ ajjhārāme bhuñjantassa anāpatti. Aṅgesu ca ‘‘ajjhārāme vā ārāmūpacāre vā paṭiggahaṇa’’nti gahetabbaṃ. Ajjhārāme hi dassite ārāmūpacāraṃ dassitamevāti. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho.
சதுத்த²பாடிதே³ஸனீயஸிக்கா²பத³வண்ணனா நிட்டி²தா.
Catutthapāṭidesanīyasikkhāpadavaṇṇanā niṭṭhitā.
பாடிதே³ஸனீயவண்ணனா நிட்டி²தா.
Pāṭidesanīyavaṇṇanā niṭṭhitā.
