| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
жад̇уд̇т̇аж̇жхаанам̣
Catutthajjhānaṃ
165. жад̇уд̇т̇аж̇жхаананид̣̇д̣̇зсз сукасса жа бахаанаа д̣̇угкасса жа бахаанаад̇и гааяигасукасса жа гааяигад̣̇угкасса жа бахаанаа. буб̣б̣зваад̇и д̇ан̃жа ко буб̣б̣зва на жад̇уд̇т̇аж̇жхаанагкан̣з. соманассад̣̇оманассаанам̣ ад̇т̇ан̇г̇амаад̇и жзд̇асигасукасса жа жзд̇асигад̣̇угкасса жаад̇и имзсамби д̣̇виннам̣ буб̣б̣зва ад̇т̇ан̇г̇амаа; бахаанаа ижжзва вуд̇д̇ам̣ ход̇и. гад̣̇аа бана нзсам̣ бахаанам̣ ход̇и? жад̇уннам̣ жхаанаанам̣ убажаарагкан̣з. соманассан̃хи жад̇уд̇т̇аж̇жхаанасса убажаарагкан̣зязва бахийяад̇и. д̣̇угкад̣̇оманассасукаани батамад̣̇уд̇ияад̇ад̇ияаж̇жхаанаанам̣ убажаарагкан̣зсу. звамзд̇зсам̣ бахаанаггамзна авуд̇д̇аанам̣ инд̣̇рияавибхан̇г̇з бана инд̣̇рияаанам̣ уд̣̇д̣̇зсаггамзнзва ид̇хааби вуд̇д̇аанам̣ сукад̣̇угкасоманассад̣̇оманассаанам̣ бахаанам̣ взд̣̇ид̇аб̣б̣ам̣.
165. Catutthajjhānaniddese sukhassa ca pahānā dukkhassa ca pahānāti kāyikasukhassa ca kāyikadukkhassa ca pahānā. Pubbevāti tañca kho pubbeva na catutthajjhānakkhaṇe. Somanassadomanassānaṃ atthaṅgamāti cetasikasukhassa ca cetasikadukkhassa cāti imesampi dvinnaṃ pubbeva atthaṅgamā; pahānā icceva vuttaṃ hoti. Kadā pana nesaṃ pahānaṃ hoti? Catunnaṃ jhānānaṃ upacārakkhaṇe. Somanassañhi catutthajjhānassa upacārakkhaṇeyeva pahīyati. Dukkhadomanassasukhāni paṭhamadutiyatatiyajjhānānaṃ upacārakkhaṇesu. Evametesaṃ pahānakkamena avuttānaṃ indriyavibhaṅge pana indriyānaṃ uddesakkameneva idhāpi vuttānaṃ sukhadukkhasomanassadomanassānaṃ pahānaṃ veditabbaṃ.
яад̣̇и банзд̇аани д̇асса д̇асса жхаанасса убажаарагкан̣зязва бахийяанд̇и, ат̇а гасмаа ‘‘гад̇т̇а жуббаннам̣ д̣̇угкинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и, зд̇т̇уббаннам̣ д̣̇угкинд̣̇рияам̣ абарисзсам̣ нируж̇жхад̇и. гад̇т̇а жуббаннам̣ д̣̇оманассинд̣̇рияам̣… сукинд̣̇рияам̣… соманассинд̣̇рияам̣ абарисзсам̣ нируж̇жхад̇и? ид̇ха, бхигкавз, бхигку сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. зд̇т̇уббаннам̣ соманассинд̣̇рияам̣ абарисзсам̣ нируж̇жхад̇ий’’д̇и (сам̣. ни. 5.510) звам̣ жхаанзсвзва нирод̇хо вуд̇д̇од̇и? ад̇исаяанирод̇хад̇д̇аа. ад̇исаяанирод̇хо хи д̇зсам̣ батамаж̇жхаанаад̣̇ийсу, на нирод̇хоязва. нирод̇хоязва бана убажаарагкан̣з, наад̇исаяанирод̇хо. д̇ат̇аа хи наанааваж̇ж̇анз батамаж̇жхаанубажаарз нируд̣̇д̇хассааби д̣̇угкинд̣̇рияасса д̣ам̣самагасаад̣̇исампассзна ваа, висамаасанубад̇аабзна ваа сияаа уббад̇д̇и, над̇взва анд̇оаббанааяам̣. убажаарз ваа нируд̣̇д̇хамбзд̇ам̣ на судту нируд̣̇д̇хам̣ ход̇и, бадибагкзна авихад̇ад̇д̇аа. анд̇оаббанааяам̣ бана бийд̇ипаран̣зна саб̣б̣о гааяо сукогганд̇о ход̇и. сукогганд̇агааяасса жа судту нируд̣̇д̇хам̣ ход̇и д̣̇угкинд̣̇рияам̣, бадибагкзна вихад̇ад̇д̇аа. наанааваж̇ж̇анзязва жа д̣̇уд̇ияаж̇жхаанубажаарз бахийнасса д̣̇оманассинд̣̇рияасса яасмаа зд̇ам̣ вид̇аггавижаарабажжаязби гааяагиламат̇з жид̇д̇убагхаад̇з жа сад̇и уббаж̇ж̇ад̇и, вид̇аггавижаараабхаавз нзва уббаж̇ж̇ад̇и; яад̇т̇а бана уббаж̇ж̇ад̇и д̇ад̇т̇а вид̇аггавижаарабхаавз; аббахийнаа зва жа д̣̇уд̇ияаж̇жхаанубажаарз вид̇аггавижаараад̇и д̇ад̇т̇асса сияаа уббад̇д̇и, над̇взва д̣̇уд̇ияаж̇жхаанз, бахийнабажжаяад̇д̇аа. д̇ат̇аа д̇ад̇ияаж̇жхаанубажаарз бахийнассааби сукинд̣̇рияасса бийд̇исамудтаанабан̣ийд̇аруубапудагааяасса сияаа уббад̇д̇и, над̇взва д̇ад̇ияаж̇жхаанз. д̇ад̇ияаж̇жхаанз хи сукасса бажжаяабхууд̇аа бийд̇и саб̣б̣асо нируд̣̇д̇хаад̇и. д̇ат̇аа жад̇уд̇т̇аж̇жхаанубажаарз бахийнассааби соманассинд̣̇рияасса аасаннад̇д̇аа, аббанааббад̇д̇ааяа убзгкааяа абхаавзна саммаа анад̇игганд̇ад̇д̇аа жа, сияаа уббад̇д̇и, над̇взва жад̇уд̇т̇аж̇жхаанз. д̇асмаа зва жа ‘зд̇т̇уббаннам̣ д̣̇угкинд̣̇рияам̣ абарисзсам̣ нируж̇жхад̇ий’д̇и д̇ад̇т̇а д̇ад̇т̇а абарисзсаг̇г̇ахан̣ам̣ гад̇анд̇и.
Yadi panetāni tassa tassa jhānassa upacārakkhaṇeyeva pahīyanti, atha kasmā ‘‘kattha cuppannaṃ dukkhindriyaṃ aparisesaṃ nirujjhati? Idha, bhikkhave, bhikkhu vivicceva kāmehi…pe… paṭhamaṃ jhānaṃ upasampajja viharati, etthuppannaṃ dukkhindriyaṃ aparisesaṃ nirujjhati. Kattha cuppannaṃ domanassindriyaṃ… sukhindriyaṃ… somanassindriyaṃ aparisesaṃ nirujjhati? Idha, bhikkhave, bhikkhu sukhassa ca pahānā…pe… catutthaṃ jhānaṃ upasampajja viharati. Etthuppannaṃ somanassindriyaṃ aparisesaṃ nirujjhatī’’ti (saṃ. ni. 5.510) evaṃ jhānesveva nirodho vuttoti? Atisayanirodhattā. Atisayanirodho hi tesaṃ paṭhamajjhānādīsu, na nirodhoyeva. Nirodhoyeva pana upacārakkhaṇe, nātisayanirodho. Tathā hi nānāvajjane paṭhamajjhānupacāre niruddhassāpi dukkhindriyassa ḍaṃsamakasādisamphassena vā, visamāsanupatāpena vā siyā uppatti, natveva antoappanāyaṃ. Upacāre vā niruddhampetaṃ na suṭṭhu niruddhaṃ hoti, paṭipakkhena avihatattā. Antoappanāyaṃ pana pītipharaṇena sabbo kāyo sukhokkanto hoti. Sukhokkantakāyassa ca suṭṭhu niruddhaṃ hoti dukkhindriyaṃ, paṭipakkhena vihatattā. Nānāvajjaneyeva ca dutiyajjhānupacāre pahīnassa domanassindriyassa yasmā etaṃ vitakkavicārapaccayepi kāyakilamathe cittupaghāte ca sati uppajjati, vitakkavicārābhāve neva uppajjati; yattha pana uppajjati tattha vitakkavicārabhāve; appahīnā eva ca dutiyajjhānupacāre vitakkavicārāti tatthassa siyā uppatti, natveva dutiyajjhāne, pahīnapaccayattā. Tathā tatiyajjhānupacāre pahīnassāpi sukhindriyassa pītisamuṭṭhānapaṇītarūpaphuṭakāyassa siyā uppatti, natveva tatiyajjhāne. Tatiyajjhāne hi sukhassa paccayabhūtā pīti sabbaso niruddhāti. Tathā catutthajjhānupacāre pahīnassāpi somanassindriyassa āsannattā, appanāppattāya upekkhāya abhāvena sammā anatikkantattā ca, siyā uppatti, natveva catutthajjhāne. Tasmā eva ca ‘etthuppannaṃ dukkhindriyaṃ aparisesaṃ nirujjhatī’ti tattha tattha aparisesaggahaṇaṃ katanti.
зд̇т̇ааха – ‘ат̇звам̣ д̇асса д̇асса жхаанассубажаарз бахийнааби зд̇аа взд̣̇анаа ид̇ха гасмаа самаахадаа’д̇и? ‘сукаг̇г̇ахан̣ад̇т̇ам̣’. яаа хи аяам̣ ‘ад̣̇угкамасука’нд̇и зд̇т̇а ад̣̇угкамасукаа взд̣̇анаа вуд̇д̇аа, саа сукумаа, д̣̇уб̣б̣ин̃н̃зяяаа, на саггаа сукзна г̇ахзд̇ум̣. д̇асмаа яат̇аа наама д̣̇удтасса яат̇аа д̇ат̇аа ваа убасан̇гамид̇ваа г̇ахзд̇ум̣ асаггун̣зяяасса г̇он̣асса г̇ахан̣ад̇т̇ам̣ г̇обо згасмим̣ важ̇з саб̣б̣аа г̇ааво самаахарад̇и, ат̇згзгам̣ нийхаранд̇о бадибаадияаа ааг̇ад̇ам̣ ‘аяам̣ со, г̇ан̣хат̇а на’нд̇и д̇амби г̇аахаабаяад̇и; звамзва бхаг̇аваа сукаг̇ахан̣ад̇т̇ам̣ саб̣б̣ааби зд̇аа самаахарийд̇и. зван̃хи самаахадаа зд̇аа д̣̇ассзд̇ваа яам̣ нзва сукам̣ на д̣̇угкам̣, на соманассам̣ на д̣̇оманассам̣, аяам̣ ад̣̇угкамасукаавзд̣̇анаад̇и саггаа ход̇и зсаа г̇аахаяид̇ум̣.
Etthāha – ‘athevaṃ tassa tassa jhānassupacāre pahīnāpi etā vedanā idha kasmā samāhaṭā’ti? ‘Sukhaggahaṇatthaṃ’. Yā hi ayaṃ ‘adukkhamasukha’nti ettha adukkhamasukhā vedanā vuttā, sā sukhumā, dubbiññeyyā, na sakkā sukhena gahetuṃ. Tasmā yathā nāma duṭṭhassa yathā tathā vā upasaṅkamitvā gahetuṃ asakkuṇeyyassa goṇassa gahaṇatthaṃ gopo ekasmiṃ vaje sabbā gāvo samāharati, athekekaṃ nīharanto paṭipāṭiyā āgataṃ ‘ayaṃ so, gaṇhatha na’nti tampi gāhāpayati; evameva bhagavā sukhagahaṇatthaṃ sabbāpi etā samāharīti. Evañhi samāhaṭā etā dassetvā yaṃ neva sukhaṃ na dukkhaṃ, na somanassaṃ na domanassaṃ, ayaṃ adukkhamasukhāvedanāti sakkā hoti esā gāhayituṃ.
абижа ад̣̇угкамасукааяа жзд̇овимуд̇д̇ияаа бажжаяад̣̇ассанад̇т̇ан̃жааби зд̇аа вуд̇д̇аад̇и взд̣̇ид̇аб̣б̣аа. сукад̣̇угкаббахаанаад̣̇аяо хи д̇ассаа бажжаяаа. яат̇ааха – ‘‘жад̇д̇ааро ко, аавусо, бажжаяаа ад̣̇угкамасукааяа жзд̇овимуд̇д̇ияаа самаабад̇д̇ияаа. ид̇хаавусо бхигку, сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и, имз ко, аавусо, жад̇д̇ааро бажжаяаа ад̣̇угкамасукааяа жзд̇овимуд̇д̇ияаа самаабад̇д̇ияаа’’д̇и (ма. ни. 1.458). яат̇аа ваа ан̃н̃ад̇т̇а бахийнааби саггааяад̣̇идтиаад̣̇аяо д̇ад̇ияамаг̇г̇асса ван̣н̣абхан̣анад̇т̇ам̣ д̇ад̇т̇а бахийнаад̇и вуд̇д̇аа, звам̣ ван̣н̣абхан̣анад̇т̇амбзд̇асса жхаанассзд̇аа ид̇ха вуд̇д̇аад̇и взд̣̇ид̇аб̣б̣аа. бажжаяагхаад̇зна ваа зд̇т̇а рааг̇ад̣̇осаанам̣ ад̇ид̣̇уурабхаавам̣ д̣̇ассзд̇умбзд̇аа вуд̇д̇аад̇и взд̣̇ид̇аб̣б̣аа. зд̇аасу хи сукам̣ соманассасса бажжаяо, соманассам̣ рааг̇асса; д̣̇угкам̣ д̣̇оманассасса, д̣̇оманассам̣ д̣̇осасса. сукаад̣̇игхаад̇зна жа саббажжаяаа рааг̇ад̣̇осаа хад̇аад̇и ад̇ид̣̇уурз хонд̇ийд̇и.
Apica adukkhamasukhāya cetovimuttiyā paccayadassanatthañcāpi etā vuttāti veditabbā. Sukhadukkhappahānādayo hi tassā paccayā. Yathāha – ‘‘cattāro kho, āvuso, paccayā adukkhamasukhāya cetovimuttiyā samāpattiyā. Idhāvuso bhikkhu, sukhassa ca pahānā…pe… catutthaṃ jhānaṃ upasampajja viharati, ime kho, āvuso, cattāro paccayā adukkhamasukhāya cetovimuttiyā samāpattiyā’’ti (ma. ni. 1.458). Yathā vā aññattha pahīnāpi sakkāyadiṭṭhiādayo tatiyamaggassa vaṇṇabhaṇanatthaṃ tattha pahīnāti vuttā, evaṃ vaṇṇabhaṇanatthampetassa jhānassetā idha vuttāti veditabbā. Paccayaghātena vā ettha rāgadosānaṃ atidūrabhāvaṃ dassetumpetā vuttāti veditabbā. Etāsu hi sukhaṃ somanassassa paccayo, somanassaṃ rāgassa; dukkhaṃ domanassassa, domanassaṃ dosassa. Sukhādighātena ca sappaccayā rāgadosā hatāti atidūre hontīti.
ад̣̇угкамасуканд̇и д̣̇угкаабхаавзна ад̣̇угкам̣, сукаабхаавзна асукам̣. зд̇знзд̇т̇а д̣̇угкасукаббадибагкабхууд̇ам̣ д̇ад̇ияавзд̣̇анам̣ д̣̇ийбзд̇и, на д̣̇угкасукаабхаавамад̇д̇ам̣. д̇ад̇ияавзд̣̇анаа наама ад̣̇угкамасукаа. убзгкаад̇иби вужжад̇и. саа идтаанидтавибарийд̇аанубхаваналагкан̣аа, маж̇жхад̇д̇арасаа, авибхууд̇абажжубадтаанаа, суканирод̇хабад̣̇адтаанаад̇и взд̣̇ид̇аб̣б̣аа.
Adukkhamasukhanti dukkhābhāvena adukkhaṃ, sukhābhāvena asukhaṃ. Etenettha dukkhasukhappaṭipakkhabhūtaṃ tatiyavedanaṃ dīpeti, na dukkhasukhābhāvamattaṃ. Tatiyavedanā nāma adukkhamasukhā. Upekkhātipi vuccati. Sā iṭṭhāniṭṭhaviparītānubhavanalakkhaṇā, majjhattarasā, avibhūtapaccupaṭṭhānā, sukhanirodhapadaṭṭhānāti veditabbā.
убзгкаасад̇ибаарисуд̣̇д̇хинд̇и убзгкааяа ж̇анид̇асад̇ибаарисуд̣̇д̇хим̣. имасмин̃хи жхаанз субарисуд̣̇д̇хаа сад̇и. яаа жа д̇ассаа сад̇ияаа баарисуд̣̇д̇хи саа убзгкааяа гад̇аа, на ан̃н̃зна. д̇асмаа зд̇ам̣ убзгкаасад̇ибаарисуд̣̇д̇хийд̇и вужжад̇и. вибхан̇г̇зби вуд̇д̇ам̣ – ‘‘аяам̣ сад̇и имааяа убзгкааяа висад̣̇аа ход̇и барисуд̣̇д̇хаа барияод̣̇аад̇аа, д̇зна вужжад̇и убзгкаасад̇ибаарисуд̣̇д̇хий’’д̇и (вибха. 597). яааяа жа убзгкааяа зд̇т̇а сад̇и баарисуд̣̇д̇хи ход̇и саа ад̇т̇ад̇о д̇ад̇рамаж̇жхад̇д̇ад̇аад̇и взд̣̇ид̇аб̣б̣аа. на гзвалан̃жзд̇т̇а д̇ааяа сад̇иязва барисуд̣̇д̇хаа абижа ко саб̣б̣зби самбаяуд̇д̇ад̇хаммаа. сад̇исийсзна бана д̣̇зсанаа вуд̇д̇аа.
Upekkhāsatipārisuddhinti upekkhāya janitasatipārisuddhiṃ. Imasmiñhi jhāne suparisuddhā sati. Yā ca tassā satiyā pārisuddhi sā upekkhāya katā, na aññena. Tasmā etaṃ upekkhāsatipārisuddhīti vuccati. Vibhaṅgepi vuttaṃ – ‘‘ayaṃ sati imāya upekkhāya visadā hoti parisuddhā pariyodātā, tena vuccati upekkhāsatipārisuddhī’’ti (vibha. 597). Yāya ca upekkhāya ettha sati pārisuddhi hoti sā atthato tatramajjhattatāti veditabbā. Na kevalañcettha tāya satiyeva parisuddhā apica kho sabbepi sampayuttadhammā. Satisīsena pana desanā vuttā.
д̇ад̇т̇а гин̃жааби аяам̣ убзгкаа хздтааби д̇ийсу жхаанзсу виж̇ж̇ад̇и – яат̇аа бана д̣̇иваа суурияаббабхаабхибхаваа соммабхаавзна жа ад̇д̇ано убагаарагад̇д̇зна ваа сабхааг̇ааяа рад̇д̇ияаа алаабхаа д̣̇иваа виж̇ж̇амаанааби жанд̣̇алзкаа абарисуд̣̇д̇хаа ход̇и абарияод̣̇аад̇аа – звамаяамби д̇ад̇рамаж̇жхад̇д̇убзгкаажанд̣̇алзкаа вид̇аггаад̣̇ибажжанийгад̇хаммад̇зж̇аабхибхаваа сабхааг̇ааяа жа убзгкаавзд̣̇анаарад̇д̇ияаа аббадилаабхаа виж̇ж̇амаанааби батамаад̣̇иж̇жхаанабхзд̣̇зсу абарисуд̣̇д̇хаа ход̇и. д̇ассаа жа абарисуд̣̇д̇хааяа д̣̇иваа абарисуд̣̇д̇хажанд̣̇алзкааяа бабхаа вияа сахаж̇аад̇ааби сад̇иаад̣̇аяо абарисуд̣̇д̇хаава хонд̇и. д̇асмаа д̇зсу згамби ‘убзгкаасад̇ибаарисуд̣̇д̇хий’д̇и на вуд̇д̇ам̣. ид̇ха бана вид̇аггаад̣̇ибажжанийгад̇хаммад̇зж̇аабхибхаваабхааваа сабхааг̇ааяа жа убзгкаа взд̣̇анаарад̇д̇ияаа бадилаабхаа аяам̣ д̇ад̇рамаж̇жхад̇д̇убзгкаажанд̣̇алзкаа ад̇ивияа барисуд̣̇д̇хаа. д̇ассаа барисуд̣̇д̇хад̇д̇аа барисуд̣̇д̇хажанд̣̇алзкааяа бабхаа вияа сахаж̇аад̇ааби сад̇иаад̣̇аяо барисуд̣̇д̇хаа хонд̇и барияод̣̇аад̇аа. д̇асмаа ид̣̇амзва убзгкаасад̇ибаарисуд̣̇д̇хийд̇и вуд̇д̇анд̇и взд̣̇ид̇аб̣б̣ам̣.
Tattha kiñcāpi ayaṃ upekkhā heṭṭhāpi tīsu jhānesu vijjati – yathā pana divā sūriyappabhābhibhavā sommabhāvena ca attano upakārakattena vā sabhāgāya rattiyā alābhā divā vijjamānāpi candalekhā aparisuddhā hoti apariyodātā – evamayampi tatramajjhattupekkhācandalekhā vitakkādipaccanīkadhammatejābhibhavā sabhāgāya ca upekkhāvedanārattiyā appaṭilābhā vijjamānāpi paṭhamādijjhānabhedesu aparisuddhā hoti. Tassā ca aparisuddhāya divā aparisuddhacandalekhāya pabhā viya sahajātāpi satiādayo aparisuddhāva honti. Tasmā tesu ekampi ‘upekkhāsatipārisuddhī’ti na vuttaṃ. Idha pana vitakkādipaccanīkadhammatejābhibhavābhāvā sabhāgāya ca upekkhā vedanārattiyā paṭilābhā ayaṃ tatramajjhattupekkhācandalekhā ativiya parisuddhā. Tassā parisuddhattā parisuddhacandalekhāya pabhā viya sahajātāpi satiādayo parisuddhā honti pariyodātā. Tasmā idameva upekkhāsatipārisuddhīti vuttanti veditabbaṃ.
жад̇уд̇т̇анд̇и г̇ан̣анаанубуб̣б̣ад̇аа жад̇уд̇т̇ам̣. ид̣̇ам̣ жад̇уд̇т̇ам̣ самаабаж̇ж̇ад̇ийд̇иби жад̇уд̇т̇ам̣. пассо ход̇ийд̇иаад̣̇ийсу пассабан̃жагз д̇аава взд̣̇анаад̇и убзгкаавзд̣̇анаа взд̣̇ид̇аб̣б̣аа. жхаанабан̃жагаинд̣̇рияаадтагзсу бана убзгкаа ход̇и убзгкинд̣̇рияам̣ ход̇ийд̇и (д̇ха. са. 165) вуд̇д̇амзва. сзсаани д̇ад̇ияз барихийнабад̣̇аани ид̇хааби барихийнаанзва. годтаасаваарзби д̣̇уван̇г̇игам̣ жхаананд̇и убзгкаажид̇д̇згаг̇г̇ад̇аавасзнзва взд̣̇ид̇аб̣б̣ам̣. сзсам̣ саб̣б̣ам̣ д̇ад̇ияасад̣̇исамзваад̇и.
Catutthanti gaṇanānupubbatā catutthaṃ. Idaṃ catutthaṃ samāpajjatītipi catutthaṃ. Phasso hotītiādīsu phassapañcake tāva vedanāti upekkhāvedanā veditabbā. Jhānapañcakaindriyaaṭṭhakesu pana upekkhā hoti upekkhindriyaṃ hotīti (dha. sa. 165) vuttameva. Sesāni tatiye parihīnapadāni idhāpi parihīnāneva. Koṭṭhāsavārepi duvaṅgikaṃ jhānanti upekkhācittekaggatāvaseneva veditabbaṃ. Sesaṃ sabbaṃ tatiyasadisamevāti.
жад̇угганаяо нидтид̇о.
Catukkanayo niṭṭhito.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / жад̇уд̇т̇аж̇жхаанагат̇ааван̣н̣анаа • Catutthajjhānakathāvaṇṇanā
