| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. ཙཏུཏྠཧིཏསུཏྟཾ
10. Catutthahitasuttaṃ
༢༠. ‘‘པཉྩཧི , བྷིཀྑཝེ, དྷམྨེཧི སམནྣཱགཏོ བྷིཀྑུ ཨཏྟཧིཏཱཡ ཙ པཊིཔནྣོ ཧོཏི པརཧིཏཱཡ ཙ། ཀཏམེཧི པཉྩཧི? ཨིདྷ, བྷིཀྑཝེ, བྷིཀྑུ ཨཏྟནཱ ཙ སཱིལསམྤནྣོ ཧོཏི, པརཉྩ སཱིལསམྤདཱཡ སམཱདཔེཏི; ཨཏྟནཱ ཙ སམཱདྷིསམྤནྣོ ཧོཏི, པརཉྩ སམཱདྷིསམྤདཱཡ སམཱདཔེཏི, ཨཏྟནཱ ཙ པཉྙཱསམྤནྣོ ཧོཏི, པརཉྩ པཉྙཱསམྤདཱཡ སམཱདཔེཏི; ཨཏྟནཱ ཙ ཝིམུཏྟིསམྤནྣོ ཧོཏི, པརཉྩ ཝིམུཏྟིསམྤདཱཡ སམཱདཔེཏི; ཨཏྟནཱ ཙ ཝིམུཏྟིཉཱཎདསྶནསམྤནྣོ ཧོཏི, པརཉྩ ཝིམུཏྟིཉཱཎདསྶནསམྤདཱཡ སམཱདཔེཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ ཨཏྟཧིཏཱཡ ཙ པཊིཔནྣོ ཧོཏི པརཧིཏཱཡ ཙཱ’’ཏི། དསམཾ།
20. ‘‘Pañcahi , bhikkhave, dhammehi samannāgato bhikkhu attahitāya ca paṭipanno hoti parahitāya ca. Katamehi pañcahi? Idha, bhikkhave, bhikkhu attanā ca sīlasampanno hoti, parañca sīlasampadāya samādapeti; attanā ca samādhisampanno hoti, parañca samādhisampadāya samādapeti, attanā ca paññāsampanno hoti, parañca paññāsampadāya samādapeti; attanā ca vimuttisampanno hoti, parañca vimuttisampadāya samādapeti; attanā ca vimuttiñāṇadassanasampanno hoti, parañca vimuttiñāṇadassanasampadāya samādapeti. Imehi kho, bhikkhave, pañcahi dhammehi samannāgato bhikkhu attahitāya ca paṭipanno hoti parahitāya cā’’ti. Dasamaṃ.
བལཝགྒོ དུཏིཡོ།
Balavaggo dutiyo.
ཏསྶུདྡཱནཾ –
Tassuddānaṃ –
ཨནནུསྶུཏཀཱུཊཉྩ, སཾཁིཏྟཾ ཝིཏྠཏེན ཙ།
Ananussutakūṭañca, saṃkhittaṃ vitthatena ca;
དཊྛབྦཉྩ པུན ཀཱུཊཾ, ཙཏྟཱརོཔི ཧིཏེན ཙཱཏི༎
Daṭṭhabbañca puna kūṭaṃ, cattāropi hitena cāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨-༡༠. དུཏིཡཧིཏསུཏྟཱདིཝཎྞནཱ • 8-10. Dutiyahitasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༡༠. དཊྛབྦསུཏྟཱདིཝཎྞནཱ • 5-10. Daṭṭhabbasuttādivaṇṇanā
