| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. จตุตฺถหิตสุตฺตํ
10. Catutthahitasuttaṃ
๒๐. ‘‘ปญฺจหิ , ภิกฺขเว, ธเมฺมหิ สมนฺนาคโต ภิกฺขุ อตฺตหิตาย จ ปฎิปโนฺน โหติ ปรหิตาย จฯ กตเมหิ ปญฺจหิ? อิธ, ภิกฺขเว, ภิกฺขุ อตฺตนา จ สีลสมฺปโนฺน โหติ, ปรญฺจ สีลสมฺปทาย สมาทเปติ; อตฺตนา จ สมาธิสมฺปโนฺน โหติ, ปรญฺจ สมาธิสมฺปทาย สมาทเปติ, อตฺตนา จ ปญฺญาสมฺปโนฺน โหติ, ปรญฺจ ปญฺญาสมฺปทาย สมาทเปติ; อตฺตนา จ วิมุตฺติสมฺปโนฺน โหติ, ปรญฺจ วิมุตฺติสมฺปทาย สมาทเปติ; อตฺตนา จ วิมุตฺติญาณทสฺสนสมฺปโนฺน โหติ, ปรญฺจ วิมุตฺติญาณทสฺสนสมฺปทาย สมาทเปติฯ อิเมหิ โข, ภิกฺขเว, ปญฺจหิ ธเมฺมหิ สมนฺนาคโต ภิกฺขุ อตฺตหิตาย จ ปฎิปโนฺน โหติ ปรหิตาย จา’’ติฯ ทสมํฯ
20. ‘‘Pañcahi , bhikkhave, dhammehi samannāgato bhikkhu attahitāya ca paṭipanno hoti parahitāya ca. Katamehi pañcahi? Idha, bhikkhave, bhikkhu attanā ca sīlasampanno hoti, parañca sīlasampadāya samādapeti; attanā ca samādhisampanno hoti, parañca samādhisampadāya samādapeti, attanā ca paññāsampanno hoti, parañca paññāsampadāya samādapeti; attanā ca vimuttisampanno hoti, parañca vimuttisampadāya samādapeti; attanā ca vimuttiñāṇadassanasampanno hoti, parañca vimuttiñāṇadassanasampadāya samādapeti. Imehi kho, bhikkhave, pañcahi dhammehi samannāgato bhikkhu attahitāya ca paṭipanno hoti parahitāya cā’’ti. Dasamaṃ.
พลวโคฺค ทุติโยฯ
Balavaggo dutiyo.
ตสฺสุทฺทานํ –
Tassuddānaṃ –
อนนุสฺสุตกูฎญฺจ, สํขิตฺตํ วิตฺถเตน จ;
Ananussutakūṭañca, saṃkhittaṃ vitthatena ca;
ทฎฺฐพฺพญฺจ ปุน กูฎํ, จตฺตาโรปิ หิเตน จาติฯ
Daṭṭhabbañca puna kūṭaṃ, cattāropi hitena cāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๘-๑๐. ทุติยหิตสุตฺตาทิวณฺณนา • 8-10. Dutiyahitasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๑๐. ทฎฺฐพฺพสุตฺตาทิวณฺณนา • 5-10. Daṭṭhabbasuttādivaṇṇanā
