| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
49. жад̇ураарагканид̣̇д̣̇зсо
49. Caturārakkhaniddeso
жад̇урагкаад̇и –
Caturakkhāti –
461.
461.
б̣уд̣̇д̇хаануссад̇и мзд̇д̇аа жа, асубхам̣ маран̣ассад̇и;
Buddhānussati mettā ca, asubhaṃ maraṇassati;
аарагад̇д̇аад̣̇инаарахам̣, саммаа сааман̃жа б̣уд̣̇д̇хад̇о.
Ārakattādinārahaṃ, sammā sāmañca buddhato.
462.
462.
саммаасамб̣уд̣̇д̇хаид̇и ваануссад̇и яаа бунаббунам̣;
Sammāsambuddhaiti vānussati yā punappunaṃ;
навабхзд̣̇з бхаг̇авад̇о, б̣уд̣̇д̇хаануссад̇и саа г̇ун̣з.
Navabhede bhagavato, buddhānussati sā guṇe.
463.
463.
сиймадтасан̇гхз сиймадтад̣̇звад̇аасу жа иссарз;
Sīmaṭṭhasaṅghe sīmaṭṭhadevatāsu ca issare;
ж̇анз г̇ожараг̇аамамхи, д̇ад̇т̇убаад̣̇ааяа маанусз.
Jane gocaragāmamhi, tatthupādāya mānuse.
464.
464.
саб̣б̣асад̇д̇зсу сукид̇аа, хонд̇аавзраад̇иаад̣̇инаа;
Sabbasattesu sukhitā, hontāverātiādinā;
барижчиж̇ж̇а барижчиж̇ж̇а, бхааванаа мзд̇д̇абхааванаа.
Paricchijja paricchijja, bhāvanā mettabhāvanā.
465.
465.
ван̣н̣асан̣таанаогааса-д̣̇исад̇о барижчзд̣̇ад̇о;
Vaṇṇasaṇṭhānaokāsa-disato paricchedato;
вавад̇т̇абзд̇ваа гзсаад̣̇и-годтаасз анубуб̣б̣ад̇о.
Vavatthapetvā kesādi-koṭṭhāse anupubbato.
466.
466.
наад̇исийгхан̃жа сан̣игам̣, вигкзбам̣ бадиб̣аахаяам̣;
Nātisīghañca saṇikaṃ, vikkhepaṃ paṭibāhayaṃ;
бан̣н̣ад̇д̇им̣ самад̇иггамма, мун̃жанд̇ассаанубуб̣б̣ад̇о.
Paṇṇattiṃ samatikkamma, muñcantassānupubbato.
467.
467.
ван̣н̣ааасаяасан̣таана-г̇анд̇хогаасзхи бхааванаа;
Vaṇṇaāsayasaṇṭhāna-gandhokāsehi bhāvanā;
бадиггуулаад̇и годтаасз, уд̣̇д̇хумаад̇аад̣̇ивад̇т̇усу;
Paṭikkūlāti koṭṭhāse, uddhumātādivatthusu;
г̇ахзд̇ваа асубхаагаарам̣, бавад̇д̇аа бхааванаасубхам̣.
Gahetvā asubhākāraṃ, pavattā bhāvanāsubhaṃ.
468.
468.
‘‘маран̣ам̣ мз бхависсад̇и, ж̇ийвид̇ам̣ ужчиж̇ж̇иссад̇и;
‘‘Maraṇaṃ me bhavissati, jīvitaṃ ucchijjissati;
маран̣ам̣ маран̣ам̣ ваа’’д̇и, бхааваяид̇ваана яонисо.
Maraṇaṃ maraṇaṃ vā’’ti, bhāvayitvāna yoniso.
469.
469.
вад̇хагассзвубадтаанаа, самбад̇д̇ийнам̣ вибад̇д̇ид̇о;
Vadhakassevupaṭṭhānā, sampattīnaṃ vipattito;
убасам̣харад̇о гааяаб̣ахусаад̇хааран̣аа д̇ат̇аа.
Upasaṃharato kāyabahusādhāraṇā tathā.
470.
470.
ааяуд̣̇уб̣б̣алад̇о гаалававад̇т̇аанассабхаавад̇о;
Āyudubbalato kālavavatthānassabhāvato;
ад̣̇д̇хаанасса барижчзд̣̇аа, бхааванаа маран̣ассад̇ийд̇и.
Addhānassa paricchedā, bhāvanā maraṇassatīti.
