| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਚਤੁਪ੍ਪਦਕਥਾવਣ੍ਣਨਾ
Catuppadakathāvaṇṇanā
੧੧੭. ਚਤੁਪ੍ਪਦਕਥਾਯਂ ਪਾਲ਼ਿਯਂ ਆਗਤਾવਸੇਸਾਤਿ ਪਾਲ਼ਿਯਂ ਆਗਤੇਹਿ ਹਤ੍ਥਿ ਆਦੀਹਿ ਅਞ੍ਞੇ ਪਸੁ-ਸਦ੍ਦਸ੍ਸ ਸਬ੍ਬਸਾਧਾਰਣਤ੍ਤਾ। ਭਿਙ੍ਕਚ੍ਛਾਪਨ੍ਤਿ ‘‘ਭਿਙ੍ਕਾ ਭਿਙ੍ਕਾ’’ਤਿ ਸਦ੍ਦਾਯਨਤੋ ਏવਂ ਲਦ੍ਧਨਾਮਂ ਹਤ੍ਥਿਪੋਤਕਂ। ਅਨ੍ਤੋવਤ੍ਥੁਮ੍ਹੀਤਿ ਪਰਿਕ੍ਖਿਤ੍ਤੇ। ਬਹਿਨਗਰੇ ਠਿਤਸ੍ਸਾਤਿ ਪਰਿਕ੍ਖਿਤ੍ਤਨਗਰਂ ਸਨ੍ਧਾਯ વੁਤ੍ਤਂ, ਅਪਰਿਕ੍ਖਿਤ੍ਤਨਗਰੇ ਪਨ ਅਨ੍ਤੋਨਗਰੇ ਠਿਤਸ੍ਸਾਪਿ ਠਿਤਟ੍ਠਾਨਮੇવ ਠਾਨਂ। ਖਣ੍ਡਦ੍વਾਰਨ੍ਤਿ ਅਤ੍ਤਨਾ ਖਣ੍ਡਿਤਦ੍વਾਰਂ। ਏਕੋ ਨਿਪਨ੍ਨੋਤਿ ਏਤ੍ਥਾਪਿ ਬਨ੍ਧੋਤਿ ਆਨੇਤ੍વਾ ਸਮ੍ਬਨ੍ਧਿਤਬ੍ਬਂ, ਤੇਨਾਹ ‘‘ਨਿਪਨ੍ਨਸ੍ਸ ਦ੍વੇ’’ਤਿ। ਘਾਤੇਤੀਤਿ ਏਤ੍ਥ ਥੇਯ੍ਯਚਿਤ੍ਤੇਨ વਿਨਾਸੇਨ੍ਤਸ੍ਸ ਸਹਪਯੋਗਤ੍ਤਾ ਦੁਕ੍ਕਟਮੇવਾਤਿ વਦਨ੍ਤਿ।
117. Catuppadakathāyaṃ pāḷiyaṃ āgatāvasesāti pāḷiyaṃ āgatehi hatthi ādīhi aññe pasu-saddassa sabbasādhāraṇattā. Bhiṅkacchāpanti ‘‘bhiṅkā bhiṅkā’’ti saddāyanato evaṃ laddhanāmaṃ hatthipotakaṃ. Antovatthumhīti parikkhitte. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassāpi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Eko nipannoti etthāpi bandhoti ānetvā sambandhitabbaṃ, tenāha ‘‘nipannassa dve’’ti. Ghātetīti ettha theyyacittena vināsentassa sahapayogattā dukkaṭamevāti vadanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
