| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཙཏུཔྤདཀཐཱཝཎྞནཱ
Catuppadakathāvaṇṇanā
༡༡༧. ཙཏུཔྤདཀཐཱཡཾ པཱལི༹ཡཾ ཨཱགཏཱཝསེསཱཏི པཱལི༹ཡཾ ཨཱགཏེཧི ཧཏྠི ཨཱདཱིཧི ཨཉྙེ པསུ-སདྡསྶ སབྦསཱདྷཱརཎཏྟཱ། བྷིངྐཙྪཱཔནྟི ‘‘བྷིངྐཱ བྷིངྐཱ’’ཏི སདྡཱཡནཏོ ཨེཝཾ ལདྡྷནཱམཾ ཧཏྠིཔོཏཀཾ། ཨནྟོཝཏྠུམྷཱིཏི པརིཀྑིཏྟེ། བཧིནགརེ ཋིཏསྶཱཏི པརིཀྑིཏྟནགརཾ སནྡྷཱཡ ཝུཏྟཾ, ཨཔརིཀྑིཏྟནགརེ པན ཨནྟོནགརེ ཋིཏསྶཱཔི ཋིཏཊྛཱནམེཝ ཋཱནཾ། ཁཎྜདྭཱརནྟི ཨཏྟནཱ ཁཎྜིཏདྭཱརཾ། ཨེཀོ ནིཔནྣོཏི ཨེཏྠཱཔི བནྡྷོཏི ཨཱནེཏྭཱ སམྦནྡྷིཏབྦཾ, ཏེནཱཧ ‘‘ནིཔནྣསྶ དྭེ’’ཏི། གྷཱཏེཏཱིཏི ཨེཏྠ ཐེཡྻཙིཏྟེན ཝིནཱསེནྟསྶ སཧཔཡོགཏྟཱ དུཀྐཊམེཝཱཏི ཝདནྟི།
117. Catuppadakathāyaṃ pāḷiyaṃ āgatāvasesāti pāḷiyaṃ āgatehi hatthi ādīhi aññe pasu-saddassa sabbasādhāraṇattā. Bhiṅkacchāpanti ‘‘bhiṅkā bhiṅkā’’ti saddāyanato evaṃ laddhanāmaṃ hatthipotakaṃ. Antovatthumhīti parikkhitte. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassāpi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Eko nipannoti etthāpi bandhoti ānetvā sambandhitabbaṃ, tenāha ‘‘nipannassa dve’’ti. Ghātetīti ettha theyyacittena vināsentassa sahapayogattā dukkaṭamevāti vadanti.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
