| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
စတုပ္ပဒကထာဝဏ္ဏနာ
Catuppadakathāvaṇṇanā
၁၁၇. စတုပ္ပဒကထာယံ ပာဠိယံ အာဂတာဝသေသာတိ ပာဠိယံ အာဂတေဟိ ဟတ္ထိ အာဒီဟိ အညေ ပသု-သဒ္ဒသ္သ သဗ္ဗသာဓာရဏတ္တာ။ ဘိင္ကစ္ဆာပန္တိ ‘‘ဘိင္ကာ ဘိင္ကာ’’တိ သဒ္ဒာယနတော ဧဝံ လဒ္ဓနာမံ ဟတ္ထိပောတကံ။ အန္တောဝတ္ထုမ္ဟီတိ ပရိက္ခိတ္တေ။ ဗဟိနဂရေ ဌိတသ္သာတိ ပရိက္ခိတ္တနဂရံ သန္ဓာယ ဝုတ္တံ, အပရိက္ခိတ္တနဂရေ ပန အန္တောနဂရေ ဌိတသ္သာပိ ဌိတဋ္ဌာနမေဝ ဌာနံ။ ခဏ္ဍဒ္ဝာရန္တိ အတ္တနာ ခဏ္ဍိတဒ္ဝာရံ။ ဧကော နိပန္နောတိ ဧတ္ထာပိ ဗန္ဓောတိ အာနေတ္ဝာ သမ္ဗန္ဓိတဗ္ဗံ, တေနာဟ ‘‘နိပန္နသ္သ ဒ္ဝေ’’တိ။ ဃာတေတီတိ ဧတ္ထ ထေယ္ယစိတ္တေန ဝိနာသေန္တသ္သ သဟပယောဂတ္တာ ဒုက္ကဋမေဝာတိ ဝဒန္တိ။
117. Catuppadakathāyaṃ pāḷiyaṃ āgatāvasesāti pāḷiyaṃ āgatehi hatthi ādīhi aññe pasu-saddassa sabbasādhāraṇattā. Bhiṅkacchāpanti ‘‘bhiṅkā bhiṅkā’’ti saddāyanato evaṃ laddhanāmaṃ hatthipotakaṃ. Antovatthumhīti parikkhitte. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassāpi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Eko nipannoti etthāpi bandhoti ānetvā sambandhitabbaṃ, tenāha ‘‘nipannassa dve’’ti. Ghātetīti ettha theyyacittena vināsentassa sahapayogattā dukkaṭamevāti vadanti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
