| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
စတုပ္ပဒကထာဝဏ္ဏနာ
Catuppadakathāvaṇṇanā
၁၁၆. စတုပ္ပဒကထာယံ ဘိင္ကစ္ဆာပန္တိ ဘိင္ကဘိင္ကာတိ သဒ္ဒာယနတော ဧဝံလဒ္ဓနာမံ ဟတ္ထိပောတကံ။ အန္တောဝတ္ထုမ္ဟီတိ ပရိက္ခိတ္တေ အန္တောဝတ္ထုမ္ဟိ။ ရာဇင္ဂဏေတိ ပရိက္ခိတ္တေ နဂရေ ဝတ္ထုဒ္ဝာရတော ဗဟိရာဇင္ဂဏေ။ ဟတ္ထိသာလာ ဌာနန္တိ နိဗ္ဗကောသတော ဥဒကပာတဗ္ဘန္တရံ ဌာနံ။ ဗဟိနဂရေ ဌိတသ္သာတိ ပရိက္ခိတ္တနဂရံ သန္ဓာယ ဝုတ္တံ, အပရိက္ခိတ္တနဂရေ ပန အန္တောနဂရေ ဌိတသ္သပိ ဌိတဋ္ဌာနမေဝ ဌာနံ။ ခဏ္ဍဒ္ဝာရန္တိ အတ္တနာ ခဏ္ဍိတဒ္ဝာရံ။ သာခာဘင္ဂန္တိ ဘဉ္ဇိတသာခံ။ နိပန္နသ္သ ဒ္ဝေတိ ဗန္ဓနေန သဒ္ဓိံ ဒ္ဝေ။ ဃာတေတီတိ ဧတ္ထ ‘‘ထေယ္ယစိတ္တေန ဝိနာသေန္တသ္သ သဟပယောဂတ္တာ ဒုက္ကဋမေဝ, န ပာစိတ္တိယ’’န္တိ အာစရိယာ ဝဒန္တိ။
116. Catuppadakathāyaṃ bhiṅkacchāpanti bhiṅkabhiṅkāti saddāyanato evaṃladdhanāmaṃ hatthipotakaṃ. Antovatthumhīti parikkhitte antovatthumhi. Rājaṅgaṇeti parikkhitte nagare vatthudvārato bahirājaṅgaṇe. Hatthisālā ṭhānanti nibbakosato udakapātabbhantaraṃ ṭhānaṃ. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassapi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Sākhābhaṅganti bhañjitasākhaṃ. Nipannassa dveti bandhanena saddhiṃ dve. Ghātetīti ettha ‘‘theyyacittena vināsentassa sahapayogattā dukkaṭameva, na pācittiya’’nti ācariyā vadanti.
စတုပ္ပဒကထာဝဏ္ဏနာ နိဋ္ဌိတာ။
Catuppadakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဘူမဋ္ဌကထာဒိဝဏ္ဏနာ • Bhūmaṭṭhakathādivaṇṇanā
