| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ចតុប្បទកថាវណ្ណនា
Catuppadakathāvaṇṇanā
១១៧. ចតុប្បទកថាយំ បាឡិយំ អាគតាវសេសាតិ បាឡិយំ អាគតេហិ ហត្ថិ អាទីហិ អញ្ញេ បសុ-សទ្ទស្ស សព្ពសាធារណត្តា។ ភិង្កច្ឆាបន្តិ ‘‘ភិង្កា ភិង្កា’’តិ សទ្ទាយនតោ ឯវំ លទ្ធនាមំ ហត្ថិបោតកំ។ អន្តោវត្ថុម្ហីតិ បរិក្ខិត្តេ។ ពហិនគរេ ឋិតស្សាតិ បរិក្ខិត្តនគរំ សន្ធាយ វុត្តំ, អបរិក្ខិត្តនគរេ បន អន្តោនគរេ ឋិតស្សាបិ ឋិតដ្ឋានមេវ ឋានំ។ ខណ្ឌទ្វារន្តិ អត្តនា ខណ្ឌិតទ្វារំ។ ឯកោ និបន្នោតិ ឯត្ថាបិ ពន្ធោតិ អានេត្វា សម្ពន្ធិតព្ពំ, តេនាហ ‘‘និបន្នស្ស ទ្វេ’’តិ។ ឃាតេតីតិ ឯត្ថ ថេយ្យចិត្តេន វិនាសេន្តស្ស សហបយោគត្តា ទុក្កដមេវាតិ វទន្តិ។
117. Catuppadakathāyaṃ pāḷiyaṃ āgatāvasesāti pāḷiyaṃ āgatehi hatthi ādīhi aññe pasu-saddassa sabbasādhāraṇattā. Bhiṅkacchāpanti ‘‘bhiṅkā bhiṅkā’’ti saddāyanato evaṃ laddhanāmaṃ hatthipotakaṃ. Antovatthumhīti parikkhitte. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassāpi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Eko nipannoti etthāpi bandhoti ānetvā sambandhitabbaṃ, tenāha ‘‘nipannassa dve’’ti. Ghātetīti ettha theyyacittena vināsentassa sahapayogattā dukkaṭamevāti vadanti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ទុតិយបារាជិកំ • 2. Dutiyapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ទុតិយបារាជិកំ • 2. Dutiyapārājikaṃ
