| Library / Tipiṭaka / तिपिटक • Tipiṭaka / सारत्थदीपनी-टीका • Sāratthadīpanī-ṭīkā |
चतुप्पदकथावण्णना
Catuppadakathāvaṇṇanā
११६. चतुप्पदकथायं भिङ्कच्छापन्ति भिङ्कभिङ्काति सद्दायनतो एवंलद्धनामं हत्थिपोतकं। अन्तोवत्थुम्हीति परिक्खित्ते अन्तोवत्थुम्हि। राजङ्गणेति परिक्खित्ते नगरे वत्थुद्वारतो बहिराजङ्गणे। हत्थिसाला ठानन्ति निब्बकोसतो उदकपातब्भन्तरं ठानं। बहिनगरे ठितस्साति परिक्खित्तनगरं सन्धाय वुत्तं, अपरिक्खित्तनगरे पन अन्तोनगरे ठितस्सपि ठितट्ठानमेव ठानं। खण्डद्वारन्ति अत्तना खण्डितद्वारं। साखाभङ्गन्ति भञ्जितसाखं। निपन्नस्स द्वेति बन्धनेन सद्धिं द्वे। घातेतीति एत्थ ‘‘थेय्यचित्तेन विनासेन्तस्स सहपयोगत्ता दुक्कटमेव, न पाचित्तिय’’न्ति आचरिया वदन्ति।
116. Catuppadakathāyaṃ bhiṅkacchāpanti bhiṅkabhiṅkāti saddāyanato evaṃladdhanāmaṃ hatthipotakaṃ. Antovatthumhīti parikkhitte antovatthumhi. Rājaṅgaṇeti parikkhitte nagare vatthudvārato bahirājaṅgaṇe. Hatthisālā ṭhānanti nibbakosato udakapātabbhantaraṃ ṭhānaṃ. Bahinagare ṭhitassāti parikkhittanagaraṃ sandhāya vuttaṃ, aparikkhittanagare pana antonagare ṭhitassapi ṭhitaṭṭhānameva ṭhānaṃ. Khaṇḍadvāranti attanā khaṇḍitadvāraṃ. Sākhābhaṅganti bhañjitasākhaṃ. Nipannassa dveti bandhanena saddhiṃ dve. Ghātetīti ettha ‘‘theyyacittena vināsentassa sahapayogattā dukkaṭameva, na pācittiya’’nti ācariyā vadanti.
चतुप्पदकथावण्णना निट्ठिता।
Catuppadakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / २. दुतियपाराजिकं • 2. Dutiyapārājikaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / २. दुतियपाराजिकं • 2. Dutiyapārājikaṃ
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / भूमट्ठकथादिवण्णना • Bhūmaṭṭhakathādivaṇṇanā
