| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā |
ਚਤੁਮਗ੍ਗਨਯਸਹਸ੍ਸવਣ੍ਣਨਾ
Catumagganayasahassavaṇṇanā
੩੬੨. ਮਾਨਸ੍ਸ ਦਿਟ੍ਠਿਸਦਿਸਾ ਪવਤ੍ਤਿ। ਤਥਾ ਹਿ ਸੋ ਅਧਿਪਤਿ વਿਯ ਅਞ੍ਞਾਧਿਪਤਿਨਾ ਦਿਟ੍ਠਿਯਾ ਸਹ ਨਪ੍ਪવਤ੍ਤਤੀਤਿ। ਏਕਦੇਸ…ਪੇ॰… ਉਪਮਾ ਹੋਤਿ, ਨ ਸਬ੍ਬਸਾਮਞ੍ਞੇਨ, ਇਤਰਥਾ ਸੂਰਿਯਤ੍ਥਙ੍ਗਮਨੇ ਅਨ੍ਧਕਾਰਾવਤ੍ਥਰਣਂ વਿਯ ਅਗ੍ਗਮਗ੍ਗਤਿਰੋਧਾਨੇ ਸਚ੍ਚਪਟਿਚ੍ਛਾਦਕਤਮਪ੍ਪવਤ੍ਤਿ ਆਪਜ੍ਜੇਯ੍ਯਾਤਿ ਅਧਿਪ੍ਪਾਯੋ। ਅਞ੍ਞਮਞ੍ਞਨ੍ਤਿ ਅਞ੍ਞੇ ਅਞ੍ਞੇ। ‘‘ਆਨੀਤਂ ਇਦਂ ਸੁਤ੍ਤ’’ਨ੍ਤਿ વਿਭਤ੍ਤਿ ਪਰਿਣਾਮੇਤਬ੍ਬਾ। ਯਥਾવੁਤ੍ਤਨਯੇਨਾਤਿ ਇਮਿਸ੍ਸਾ ਅਟ੍ਠਕਥਾਯਂ વੁਤ੍ਤਨਯੇਨ। ਨ ਉਪਮਾਯ વੁਤ੍ਤਤ੍ਤਾਤਿ ਇਮਸ੍ਮਿਂ ਸੁਤ੍ਤੇ ਨ ਉਪਮਾਯ વੁਤ੍ਤਭਾવਤੋ। ਯਥਾવੁਤ੍ਤਨਯੇਨਾਤਿ વਾ ਏਤਸ੍ਮਿਂ ਸੁਤ੍ਤੇ વੁਤ੍ਤਪ੍ਪਕਾਰੇਨ ਨਯੇਨ ਇਮਿਸ੍ਸਾ ਅਟ੍ਠਕਥਾਯਂ ਉਪਮਾਯ ਨ વੁਤ੍ਤਤ੍ਤਾ। ਅવਯવਾ વਿਯ ਹੋਨ੍ਤਿ, ਯੇਨ ਤੇ ਚੇਤਸਿ ਨਿਯੁਤ੍ਤਾ, ਚਿਤ੍ਤਸ੍ਸ ਏਤੇਤਿ ਚ ਚੇਤਸਿਕਾਤਿਆਦਿਨਾ વੁਚ੍ਚਨ੍ਤਿ, ਨ ਪਨ ‘‘ਫਸ੍ਸਿਕਾ’’ਤਿਆਦਿਨਾਤਿ ਦਟ੍ਠਬ੍ਬਂ।
362. Mānassa diṭṭhisadisā pavatti. Tathā hi so adhipati viya aññādhipatinā diṭṭhiyā saha nappavattatīti. Ekadesa…pe… upamā hoti, na sabbasāmaññena, itarathā sūriyatthaṅgamane andhakārāvattharaṇaṃ viya aggamaggatirodhāne saccapaṭicchādakatamappavatti āpajjeyyāti adhippāyo. Aññamaññanti aññe aññe. ‘‘Ānītaṃ idaṃ sutta’’nti vibhatti pariṇāmetabbā. Yathāvuttanayenāti imissā aṭṭhakathāyaṃ vuttanayena. Na upamāya vuttattāti imasmiṃ sutte na upamāya vuttabhāvato. Yathāvuttanayenāti vā etasmiṃ sutte vuttappakārena nayena imissā aṭṭhakathāyaṃ upamāya na vuttattā. Avayavā viya honti, yena te cetasi niyuttā, cittassa eteti ca cetasikātiādinā vuccanti, na pana ‘‘phassikā’’tiādināti daṭṭhabbaṃ.
ਕੁਸਲਕਥਾવਣ੍ਣਨਾ ਨਿਟ੍ਠਿਤਾ।
Kusalakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਲੋਕੁਤ੍ਤਰਕੁਸਲਂ • Lokuttarakusalaṃ
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā / ਤਤਿਯਚਤੁਤ੍ਥਮਗ੍ਗਾ • Tatiyacatutthamaggā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā / ਤਤਿਯਚਤੁਤ੍ਥਮਗ੍ਗવਣ੍ਣਨਾ • Tatiyacatutthamaggavaṇṇanā
