| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā |
ཙཏུམགྒནཡསཧསྶཝཎྞནཱ
Catumagganayasahassavaṇṇanā
༣༦༢. མཱནསྶ དིཊྛིསདིསཱ པཝཏྟི། ཏཐཱ ཧི སོ ཨདྷིཔཏི ཝིཡ ཨཉྙཱདྷིཔཏིནཱ དིཊྛིཡཱ སཧ ནཔྤཝཏྟཏཱིཏི། ཨེཀདེས…པེ॰… ཨུཔམཱ ཧོཏི, ན སབྦསཱམཉྙེན, ཨིཏརཐཱ སཱུརིཡཏྠངྒམནེ ཨནྡྷཀཱརཱཝཏྠརཎཾ ཝིཡ ཨགྒམགྒཏིརོདྷཱནེ སཙྩཔཊིཙྪཱདཀཏམཔྤཝཏྟི ཨཱཔཛྫེཡྻཱཏི ཨདྷིཔྤཱཡོ། ཨཉྙམཉྙནྟི ཨཉྙེ ཨཉྙེ། ‘‘ཨཱནཱིཏཾ ཨིདཾ སུཏྟ’’ནྟི ཝིབྷཏྟི པརིཎཱམེཏབྦཱ། ཡཐཱཝུཏྟནཡེནཱཏི ཨིམིསྶཱ ཨཊྛཀཐཱཡཾ ཝུཏྟནཡེན། ན ཨུཔམཱཡ ཝུཏྟཏྟཱཏི ཨིམསྨིཾ སུཏྟེ ན ཨུཔམཱཡ ཝུཏྟབྷཱཝཏོ། ཡཐཱཝུཏྟནཡེནཱཏི ཝཱ ཨེཏསྨིཾ སུཏྟེ ཝུཏྟཔྤཀཱརེན ནཡེན ཨིམིསྶཱ ཨཊྛཀཐཱཡཾ ཨུཔམཱཡ ན ཝུཏྟཏྟཱ། ཨཝཡཝཱ ཝིཡ ཧོནྟི, ཡེན ཏེ ཙེཏསི ནིཡུཏྟཱ, ཙིཏྟསྶ ཨེཏེཏི ཙ ཙེཏསིཀཱཏིཨཱདིནཱ ཝུཙྩནྟི, ན པན ‘‘ཕསྶིཀཱ’’ཏིཨཱདིནཱཏི དཊྛབྦཾ།
362. Mānassa diṭṭhisadisā pavatti. Tathā hi so adhipati viya aññādhipatinā diṭṭhiyā saha nappavattatīti. Ekadesa…pe… upamā hoti, na sabbasāmaññena, itarathā sūriyatthaṅgamane andhakārāvattharaṇaṃ viya aggamaggatirodhāne saccapaṭicchādakatamappavatti āpajjeyyāti adhippāyo. Aññamaññanti aññe aññe. ‘‘Ānītaṃ idaṃ sutta’’nti vibhatti pariṇāmetabbā. Yathāvuttanayenāti imissā aṭṭhakathāyaṃ vuttanayena. Na upamāya vuttattāti imasmiṃ sutte na upamāya vuttabhāvato. Yathāvuttanayenāti vā etasmiṃ sutte vuttappakārena nayena imissā aṭṭhakathāyaṃ upamāya na vuttattā. Avayavā viya honti, yena te cetasi niyuttā, cittassa eteti ca cetasikātiādinā vuccanti, na pana ‘‘phassikā’’tiādināti daṭṭhabbaṃ.
ཀུསལཀཐཱཝཎྞནཱ ནིཊྛིཏཱ།
Kusalakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / ལོཀུཏྟརཀུསལཾ • Lokuttarakusalaṃ
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā / ཏཏིཡཙཏུཏྠམགྒཱ • Tatiyacatutthamaggā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā / ཏཏིཡཙཏུཏྠམགྒཝཎྞནཱ • Tatiyacatutthamaggavaṇṇanā
