| Library / Tipiṭaka / തിപിടക • Tipiṭaka / ധമ്മസങ്ഗണീ-മൂലടീകാ • Dhammasaṅgaṇī-mūlaṭīkā |
ചതുക്കനിദ്ദേസവണ്ണനാ
Catukkaniddesavaṇṇanā
൯൬൬. പച്ഛിമപദസ്സാതി വിഞ്ഞാതപദസ്സ. സബ്ബമേവ ഹി രൂപം വിഞ്ഞാതന്തി തസ്സ അഭിന്ദിതബ്ബത്താ വിഞ്ഞാതതോ അഞ്ഞം ദിട്ഠം സുതം മുതഞ്ച ന ഹോതീതി പുച്ഛം അകത്വാവ വിസ്സജ്ജിതം. ന ഹി സക്കാ വിഞ്ഞാതതോ അഞ്ഞം ‘‘കതമം രൂപം ദിട്ഠ’’ന്തി പുച്ഛിതുന്തി അധിപ്പായോ. യഥാ ഹി ദ്വീസു ഉദ്ദിട്ഠേസു നോപാദതോ അഞ്ഞത്തം സന്ധായ ‘‘കതമം തം രൂപം ഉപാദാ’’തി പുച്ഛിതം, ഏവം ദിട്ഠാദീസു ചതൂസു ഉദ്ദിട്ഠേസു സുതാദീഹി തീഹിപി അഞ്ഞത്തം സന്ധായ ‘‘കതമം തം രൂപം ദിട്ഠ’’ന്തി പുച്ഛിതബ്ബം സിയാ, തദഭാവോ ന പുച്ഛിതം, ഏവം സുതാദീസുപീതി. ദസ്സനാദിഗ്ഗഹണവിസേസതോ പന ദിട്ഠാദീഹി അഞ്ഞസ്സ വിഞ്ഞാതസ്സ സബ്ഭാവതോ ച ചതുക്കോ വുത്തോ.
966. Pacchimapadassāti viññātapadassa. Sabbameva hi rūpaṃ viññātanti tassa abhinditabbattā viññātato aññaṃ diṭṭhaṃ sutaṃ mutañca na hotīti pucchaṃ akatvāva vissajjitaṃ. Na hi sakkā viññātato aññaṃ ‘‘katamaṃ rūpaṃ diṭṭha’’nti pucchitunti adhippāyo. Yathā hi dvīsu uddiṭṭhesu nopādato aññattaṃ sandhāya ‘‘katamaṃ taṃ rūpaṃ upādā’’ti pucchitaṃ, evaṃ diṭṭhādīsu catūsu uddiṭṭhesu sutādīhi tīhipi aññattaṃ sandhāya ‘‘katamaṃ taṃ rūpaṃ diṭṭha’’nti pucchitabbaṃ siyā, tadabhāvo na pucchitaṃ, evaṃ sutādīsupīti. Dassanādiggahaṇavisesato pana diṭṭhādīhi aññassa viññātassa sabbhāvato ca catukko vutto.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / രൂപവിഭത്തി • Rūpavibhatti
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā / ചതുക്കനിദ്ദേസവണ്ണനാ • Catukkaniddesavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-അനുടീകാ • Dhammasaṅgaṇī-anuṭīkā / ചതുക്കനിദ്ദേസവണ്ണനാ • Catukkaniddesavaṇṇanā
