| Library / Tipiṭaka / તિપિટક • Tipiṭaka / ધમ્મસઙ્ગણી-મૂલટીકા • Dhammasaṅgaṇī-mūlaṭīkā |
ચતુક્કનિદ્દેસવણ્ણના
Catukkaniddesavaṇṇanā
૯૬૬. પચ્છિમપદસ્સાતિ વિઞ્ઞાતપદસ્સ. સબ્બમેવ હિ રૂપં વિઞ્ઞાતન્તિ તસ્સ અભિન્દિતબ્બત્તા વિઞ્ઞાતતો અઞ્ઞં દિટ્ઠં સુતં મુતઞ્ચ ન હોતીતિ પુચ્છં અકત્વાવ વિસ્સજ્જિતં. ન હિ સક્કા વિઞ્ઞાતતો અઞ્ઞં ‘‘કતમં રૂપં દિટ્ઠ’’ન્તિ પુચ્છિતુન્તિ અધિપ્પાયો. યથા હિ દ્વીસુ ઉદ્દિટ્ઠેસુ નોપાદતો અઞ્ઞત્તં સન્ધાય ‘‘કતમં તં રૂપં ઉપાદા’’તિ પુચ્છિતં, એવં દિટ્ઠાદીસુ ચતૂસુ ઉદ્દિટ્ઠેસુ સુતાદીહિ તીહિપિ અઞ્ઞત્તં સન્ધાય ‘‘કતમં તં રૂપં દિટ્ઠ’’ન્તિ પુચ્છિતબ્બં સિયા, તદભાવો ન પુચ્છિતં, એવં સુતાદીસુપીતિ. દસ્સનાદિગ્ગહણવિસેસતો પન દિટ્ઠાદીહિ અઞ્ઞસ્સ વિઞ્ઞાતસ્સ સબ્ભાવતો ચ ચતુક્કો વુત્તો.
966. Pacchimapadassāti viññātapadassa. Sabbameva hi rūpaṃ viññātanti tassa abhinditabbattā viññātato aññaṃ diṭṭhaṃ sutaṃ mutañca na hotīti pucchaṃ akatvāva vissajjitaṃ. Na hi sakkā viññātato aññaṃ ‘‘katamaṃ rūpaṃ diṭṭha’’nti pucchitunti adhippāyo. Yathā hi dvīsu uddiṭṭhesu nopādato aññattaṃ sandhāya ‘‘katamaṃ taṃ rūpaṃ upādā’’ti pucchitaṃ, evaṃ diṭṭhādīsu catūsu uddiṭṭhesu sutādīhi tīhipi aññattaṃ sandhāya ‘‘katamaṃ taṃ rūpaṃ diṭṭha’’nti pucchitabbaṃ siyā, tadabhāvo na pucchitaṃ, evaṃ sutādīsupīti. Dassanādiggahaṇavisesato pana diṭṭhādīhi aññassa viññātassa sabbhāvato ca catukko vutto.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધમ્મસઙ્ગણીપાળિ • Dhammasaṅgaṇīpāḷi / રૂપવિભત્તિ • Rūpavibhatti
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / ધમ્મસઙ્ગણિ-અટ્ઠકથા • Dhammasaṅgaṇi-aṭṭhakathā / ચતુક્કનિદ્દેસવણ્ણના • Catukkaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / ધમ્મસઙ્ગણી-અનુટીકા • Dhammasaṅgaṇī-anuṭīkā / ચતુક્કનિદ્દેસવણ્ણના • Catukkaniddesavaṇṇanā
