| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
சதுக்கனித்³தே³ஸவண்ணனா
Catukkaniddesavaṇṇanā
966. பச்சி²மபத³ஸ்ஸாதி விஞ்ஞாதபத³ஸ்ஸ. ஸப்³ப³மேவ ஹி ரூபங் விஞ்ஞாதந்தி தஸ்ஸ அபி⁴ந்தி³தப்³ப³த்தா விஞ்ஞாததோ அஞ்ஞங் தி³ட்ட²ங் ஸுதங் முதஞ்ச ந ஹோதீதி புச்ச²ங் அகத்வாவ விஸ்ஸஜ்ஜிதங். ந ஹி ஸக்கா விஞ்ஞாததோ அஞ்ஞங் ‘‘கதமங் ரூபங் தி³ட்ட²’’ந்தி புச்சி²துந்தி அதி⁴ப்பாயோ. யதா² ஹி த்³வீஸு உத்³தி³ட்டே²ஸு நோபாத³தோ அஞ்ஞத்தங் ஸந்தா⁴ய ‘‘கதமங் தங் ரூபங் உபாதா³’’தி புச்சி²தங், ஏவங் தி³ட்டா²தீ³ஸு சதூஸு உத்³தி³ட்டே²ஸு ஸுதாதீ³ஹி தீஹிபி அஞ்ஞத்தங் ஸந்தா⁴ய ‘‘கதமங் தங் ரூபங் தி³ட்ட²’’ந்தி புச்சி²தப்³ப³ங் ஸியா, தத³பா⁴வோ ந புச்சி²தங், ஏவங் ஸுதாதீ³ஸுபீதி. த³ஸ்ஸனாதி³க்³க³ஹணவிஸேஸதோ பன தி³ட்டா²தீ³ஹி அஞ்ஞஸ்ஸ விஞ்ஞாதஸ்ஸ ஸப்³பா⁴வதோ ச சதுக்கோ வுத்தோ.
966. Pacchimapadassāti viññātapadassa. Sabbameva hi rūpaṃ viññātanti tassa abhinditabbattā viññātato aññaṃ diṭṭhaṃ sutaṃ mutañca na hotīti pucchaṃ akatvāva vissajjitaṃ. Na hi sakkā viññātato aññaṃ ‘‘katamaṃ rūpaṃ diṭṭha’’nti pucchitunti adhippāyo. Yathā hi dvīsu uddiṭṭhesu nopādato aññattaṃ sandhāya ‘‘katamaṃ taṃ rūpaṃ upādā’’ti pucchitaṃ, evaṃ diṭṭhādīsu catūsu uddiṭṭhesu sutādīhi tīhipi aññattaṃ sandhāya ‘‘katamaṃ taṃ rūpaṃ diṭṭha’’nti pucchitabbaṃ siyā, tadabhāvo na pucchitaṃ, evaṃ sutādīsupīti. Dassanādiggahaṇavisesato pana diṭṭhādīhi aññassa viññātassa sabbhāvato ca catukko vutto.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபவிப⁴த்தி • Rūpavibhatti
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / சதுக்கனித்³தே³ஸவண்ணனா • Catukkaniddesavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / சதுக்கனித்³தே³ஸவண்ணனா • Catukkaniddesavaṇṇanā
