| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೧೦. ದಸಕನಿಪಾತೋ
10. Dasakanipāto
೪೩೯. ಚತುದ್ವಾರಜಾತಕಂ (೧)
439. Catudvārajātakaṃ (1)
೧.
1.
ಚತುದ್ವಾರಮಿದಂ ನಗರಂ, ಆಯಸಂ ದಳ್ಹಪಾಕಾರಂ।
Catudvāramidaṃ nagaraṃ, āyasaṃ daḷhapākāraṃ;
ಓರುದ್ಧಪಟಿರುದ್ಧೋಸ್ಮಿ, ಕಿಂ ಪಾಪಂ ಪಕತಂ ಮಯಾ॥
Oruddhapaṭiruddhosmi, kiṃ pāpaṃ pakataṃ mayā.
೨.
2.
ಸಬ್ಬೇ ಅಪಿಹಿತಾ ದ್ವಾರಾ, ಓರುದ್ಧೋಸ್ಮಿ ಯಥಾ ದಿಜೋ।
Sabbe apihitā dvārā, oruddhosmi yathā dijo;
ಕಿಮಾಧಿಕರಣಂ ಯಕ್ಖ, ಚಕ್ಕಾಭಿನಿಹತೋ ಅಹಂ॥
Kimādhikaraṇaṃ yakkha, cakkābhinihato ahaṃ.
೩.
3.
ಲದ್ಧಾ ಸತಸಹಸ್ಸಾನಿ, ಅತಿರೇಕಾನಿ ವೀಸತಿ।
Laddhā satasahassāni, atirekāni vīsati;
ಅನುಕಮ್ಪಕಾನಂ ಞಾತೀನಂ, ವಚನಂ ಸಮ್ಮ ನಾಕರಿ॥
Anukampakānaṃ ñātīnaṃ, vacanaṃ samma nākari.
೪.
4.
ಲಙ್ಘಿಂ ಸಮುದ್ದಂ ಪಕ್ಖನ್ದಿ, ಸಾಗರಂ ಅಪ್ಪಸಿದ್ಧಿಕಂ।
Laṅghiṃ samuddaṃ pakkhandi, sāgaraṃ appasiddhikaṃ;
ಚತುಬ್ಭಿ ಅಟ್ಠಜ್ಝಗಮಾ, ಅಟ್ಠಾಹಿಪಿ ಚ ಸೋಳಸ॥
Catubbhi aṭṭhajjhagamā, aṭṭhāhipi ca soḷasa.
೫.
5.
ಸೋಳಸಾಹಿ ಚ ಬಾತ್ತಿಂಸ, ಅತ್ರಿಚ್ಛಂ ಚಕ್ಕಮಾಸದೋ।
Soḷasāhi ca bāttiṃsa, atricchaṃ cakkamāsado;
ಇಚ್ಛಾಹತಸ್ಸ ಪೋಸಸ್ಸ, ಚಕ್ಕಂ ಭಮತಿ ಮತ್ಥಕೇ॥
Icchāhatassa posassa, cakkaṃ bhamati matthake.
೬.
6.
ಯೇ ಚ ತಂ ಅನುಗಿಜ್ಝನ್ತಿ, ತೇ ಹೋನ್ತಿ ಚಕ್ಕಧಾರಿನೋ॥
Ye ca taṃ anugijjhanti, te honti cakkadhārino.
೭.
7.
ಯೇಸಞ್ಚೇತಂ ಅಸಙ್ಖಾತಂ, ತೇ ಹೋನ್ತಿ ಚಕ್ಕಧಾರಿನೋ॥
Yesañcetaṃ asaṅkhātaṃ, te honti cakkadhārino.
೮.
8.
ಕಮ್ಮಂ ಸಮೇಕ್ಖೇ ವಿಪುಲಞ್ಚ ಭೋಗಂ, ಇಚ್ಛಂ ನ ಸೇವೇಯ್ಯ ಅನತ್ಥಸಂಹಿತಂ।
Kammaṃ samekkhe vipulañca bhogaṃ, icchaṃ na seveyya anatthasaṃhitaṃ;
ಕರೇಯ್ಯ ವಾಕ್ಯಂ ಅನುಕಮ್ಪಕಾನಂ, ತಂ ತಾದಿಸಂ ನಾತಿವತ್ತೇಯ್ಯ ಚಕ್ಕಂ॥
Kareyya vākyaṃ anukampakānaṃ, taṃ tādisaṃ nātivatteyya cakkaṃ.
೯.
9.
ಕೀವಚಿರಂ ನು ಮೇ ಯಕ್ಖ, ಚಕ್ಕಂ ಸಿರಸಿ ಠಸ್ಸತಿ।
Kīvaciraṃ nu me yakkha, cakkaṃ sirasi ṭhassati;
ಕತಿ ವಸ್ಸಸಹಸ್ಸಾನಿ, ತಂ ಮೇ ಅಕ್ಖಾಹಿ ಪುಚ್ಛಿತೋ॥
Kati vassasahassāni, taṃ me akkhāhi pucchito.
೧೦.
10.
ಚಕ್ಕಂ ತೇ ಸಿರಸಿ 7 ಮಾವಿದ್ಧಂ, ನ ತಂ ಜೀವಂ ಪಮೋಕ್ಖಸೀತಿ॥
Cakkaṃ te sirasi 8 māviddhaṃ, na taṃ jīvaṃ pamokkhasīti.
ಚತುದ್ವಾರಜಾತಕಂ ಪಠಮಂ।
Catudvārajātakaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೩೯] ೧. ಚತುದ್ವಾರಜಾತಕವಣ್ಣನಾ • [439] 1. Catudvārajātakavaṇṇanā
