| Library / Tipiṭaka / തിപിടക • Tipiṭaka / നേത്തിപ്പകരണപാളി • Nettippakaraṇapāḷi |
൬. ചതുബ്യൂഹഹാരസമ്പാതോ
6. Catubyūhahārasampāto
൬൮. തത്ഥ കതമോ ചതുബ്യൂഹോ ഹാരസമ്പാതോ.
68. Tattha katamo catubyūho hārasampāto.
‘‘തസ്മാ രക്ഖിതചിത്തസ്സ, സമ്മാസങ്കപ്പഗോചരോ’’തി ഗാഥാ. ‘‘തസ്മാ രക്ഖിതചിത്തസ്സാ’’തി രക്ഖിതം പരിപാലീയതീതി ഏസാ നിരുത്തി. ഇധ ഭഗവതോ കോ അധിപ്പായോ? യേ ദുഗ്ഗതീഹി പരിമുച്ചിതുകാമാ ഭവിസ്സന്തി, തേ ധമ്മചാരിനോ ഭവിസ്സന്തീതി അയം ഏത്ഥ ഭഗവതോ അധിപ്പായോ. കോകാലികോ ഹി സാരിപുത്തമോഗ്ഗല്ലാനേസു ഥേരേസു ചിത്തം പദോസയിത്വാ മഹാപദുമനിരയേ ഉപപന്നോ. ഭഗവാ ച സതിആരക്ഖേന ചേതസാ സമന്നാഗതോ, സുത്തമ്ഹി വുത്തം ‘‘സതിയാ ചിത്തം രക്ഖിതബ്ബ’’ന്തി.
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
നിയുത്തോ ചതുബ്യൂഹോ ഹാരസമ്പാതോ.
Niyutto catubyūho hārasampāto.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / നേത്തിപ്പകരണ-അട്ഠകഥാ • Nettippakaraṇa-aṭṭhakathā / ൬. ചതുബ്യൂഹഹാരസമ്പാതവണ്ണനാ • 6. Catubyūhahārasampātavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / ഖുദ്ദകനികായ (ടീകാ) • Khuddakanikāya (ṭīkā) / നേത്തിവിഭാവിനീ • Nettivibhāvinī / ൬. ചതുബ്യൂഹഹാരസമ്പാതവിഭാവനാ • 6. Catubyūhahārasampātavibhāvanā
