| Library / Tipiṭaka / തിപിടക • Tipiṭaka / ധമ്മസങ്ഗണീ-മൂലടീകാ • Dhammasaṅgaṇī-mūlaṭīkā |
ചതുബ്ബിധാദിരൂപസങ്ഗഹവണ്ണനാ
Catubbidhādirūpasaṅgahavaṇṇanā
൫൮൬. ചതുക്കേസു ഏകന്തചിത്തസമുട്ഠാനസ്സ വിഞ്ഞത്തിദ്വയഭാവതോ വിഞ്ഞത്തിദുകാദീഹി സമാനഗതികോ ചിത്തസമുട്ഠാനദുകോതി തേന സഹ ഉപാദാദുകസ്സ യോജനായ ലബ്ഭമാനോപി ചതുക്കോ ന വുത്തോ, തഥാ സനിദസ്സനദുകാദീനം തേന തസ്സ ച ഓളാരികദൂരദുകേഹി യോജനായ ലബ്ഭമാനാ ന വുത്താ, ധമ്മാനം വാ സഭാവകിച്ചാനി ബോധേതബ്ബാകാരഞ്ച യാഥാവതോ ജാനന്തേന ഭഗവതാ തേന അഞ്ഞേസം തസ്സ ച അഞ്ഞേഹി യോജനാ ന കതാതി കിം ഏത്ഥ കാരണപരിയേസനായ, അദ്ധാ സാ യോജനാ ന കാതബ്ബാ, യതോ ഭഗവതാ ന കതാതി വേദിതബ്ബാ. അഞ്ഞേ പന പകിണ്ണകദുകാ അഞ്ഞേഹി പകിണ്ണകദുകേഹി യോജേതും യുത്താ, തേഹി യോജിതാ ഏവ. വത്ഥുദുകാദീസു പന സോതസമ്ഫസ്സാരമ്മണദുകാദയോ വജ്ജേത്വാ അഞ്ഞേഹി ആരമ്മണബാഹിരായതനാദിലബ്ഭമാനദുകേഹി ഉപാദിന്നകദുകസ്സ ഉപാദിന്നുപാദാനിയദുകസ്സ ച യോജനായ ചതുക്കാ ലബ്ഭന്തി, ചിത്തസമുട്ഠാനദുകസ്സ ച സബ്ബാരമ്മണബാഹിരായതനാദിലബ്ഭമാനദുകേഹി. അവസേസേഹി പന തേസം അഞ്ഞേസഞ്ച സബ്ബവത്ഥുദുകാദീഹി യോജനായ ന ലബ്ഭന്തീതി വേദിതബ്ബാ.
586. Catukkesu ekantacittasamuṭṭhānassa viññattidvayabhāvato viññattidukādīhi samānagatiko cittasamuṭṭhānadukoti tena saha upādādukassa yojanāya labbhamānopi catukko na vutto, tathā sanidassanadukādīnaṃ tena tassa ca oḷārikadūradukehi yojanāya labbhamānā na vuttā, dhammānaṃ vā sabhāvakiccāni bodhetabbākārañca yāthāvato jānantena bhagavatā tena aññesaṃ tassa ca aññehi yojanā na katāti kiṃ ettha kāraṇapariyesanāya, addhā sā yojanā na kātabbā, yato bhagavatā na katāti veditabbā. Aññe pana pakiṇṇakadukā aññehi pakiṇṇakadukehi yojetuṃ yuttā, tehi yojitā eva. Vatthudukādīsu pana sotasamphassārammaṇadukādayo vajjetvā aññehi ārammaṇabāhirāyatanādilabbhamānadukehi upādinnakadukassa upādinnupādāniyadukassa ca yojanāya catukkā labbhanti, cittasamuṭṭhānadukassa ca sabbārammaṇabāhirāyatanādilabbhamānadukehi. Avasesehi pana tesaṃ aññesañca sabbavatthudukādīhi yojanāya na labbhantīti veditabbā.
ഉദ്ദേസവണ്ണനാ നിട്ഠിതാ.
Uddesavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / മാതികാ • Mātikā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā / ചതുബ്ബിധാദിരൂപസങ്ഗഹാ • Catubbidhādirūpasaṅgahā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-അനുടീകാ • Dhammasaṅgaṇī-anuṭīkā / ചതുബ്ബിധാദിരൂപസങ്ഗഹവണ്ണനാ • Catubbidhādirūpasaṅgahavaṇṇanā
