| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၆. စာရိတ္တသိက္ခာပဒဝဏ္ဏနာ
6. Cārittasikkhāpadavaṇṇanā
၂၉၄. သဘတ္တောတိ နိမန္တနဘတ္တောတိ ပောရာဏာ။
294.Sabhattoti nimantanabhattoti porāṇā.
ပုရေဘတ္တဉ္စ ပိဏ္ဍာယ၊ စရိတ္ဝာ ယဒိ ဘုဉ္ဇတိ။
Purebhattañca piṇḍāya, caritvā yadi bhuñjati;
သိယာ ပရမ္ပရာပတ္တိ၊ ပစ္ဆာဘတ္တံ န သာ သိယာ။
Siyā paramparāpatti, pacchābhattaṃ na sā siyā.
ပစ္ဆာဘတ္တဉ္စ ဂမိကော၊ ပုဗ္ဗဂေဟံ ယဒိ ဂစ္ဆေ။
Pacchābhattañca gamiko, pubbagehaṃ yadi gacche;
ဧကေ အာပတ္တိယေဝာတိ၊ အနာပတ္တီတိ ဧကစ္စေ။
Eke āpattiyevāti, anāpattīti ekacce.
ကုလန္တရသ္သောက္ကမနေ ၊ အာပတ္တိမတယော ဟိ တေ။
Kulantarassokkamane , āpattimatayo hi te;
သမာနဘတ္တပစ္စာသာ၊ ဣတိ အာဟု ဣဓာပရေ။
Samānabhattapaccāsā, iti āhu idhāpare.
မတာ ဂဏိကဘတ္တေန၊ သမေန္တိ နံ နိမန္တနေ။
Matā gaṇikabhattena, samenti naṃ nimantane;
ဝိသ္သဇ္ဇနံ သမာနန္တိ၊ ဧကေ သမ္မုခတာပရေ။
Vissajjanaṃ samānanti, eke sammukhatāpare.
သန္နိဋ္ဌာနတ္ထိကေဟေဝ၊ ဝိစာရေတဗ္ဗဘေဒတော။
Sanniṭṭhānatthikeheva, vicāretabbabhedato;
ဝိညူ စာရိတ္တမိစ္စေဝ၊ သိက္ခာပဒမိဒံ ဝိဒူတိ။
Viññū cārittamicceva, sikkhāpadamidaṃ vidūti.
စာရိတ္တသိက္ခာပဒဝဏ္ဏနာ နိဋ္ဌိတာ။
Cārittasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. အစေလကဝဂ္ဂော • 5. Acelakavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. စာရိတ္တသိက္ခာပဒဝဏ္ဏနာ • 6. Cārittasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. စာရိတ္တသိက္ခာပဒံ • 6. Cārittasikkhāpadaṃ
