| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
६. चारित्तसिक्खापदवण्णना
6. Cārittasikkhāpadavaṇṇanā
२९४. सभत्तोति निमन्तनभत्तोति पोराणा।
294.Sabhattoti nimantanabhattoti porāṇā.
पुरेभत्तञ्च पिण्डाय, चरित्वा यदि भुञ्जति।
Purebhattañca piṇḍāya, caritvā yadi bhuñjati;
सिया परम्परापत्ति, पच्छाभत्तं न सा सिया॥
Siyā paramparāpatti, pacchābhattaṃ na sā siyā.
पच्छाभत्तञ्च गमिको, पुब्बगेहं यदि गच्छे।
Pacchābhattañca gamiko, pubbagehaṃ yadi gacche;
एके आपत्तियेवाति, अनापत्तीति एकच्चे॥
Eke āpattiyevāti, anāpattīti ekacce.
कुलन्तरस्सोक्कमने , आपत्तिमतयो हि ते।
Kulantarassokkamane , āpattimatayo hi te;
समानभत्तपच्चासा, इति आहु इधापरे॥
Samānabhattapaccāsā, iti āhu idhāpare.
मता गणिकभत्तेन, समेन्ति नं निमन्तने।
Matā gaṇikabhattena, samenti naṃ nimantane;
विस्सज्जनं समानन्ति, एके सम्मुखतापरे॥
Vissajjanaṃ samānanti, eke sammukhatāpare.
सन्निट्ठानत्थिकेहेव, विचारेतब्बभेदतो।
Sanniṭṭhānatthikeheva, vicāretabbabhedato;
विञ्ञू चारित्तमिच्चेव, सिक्खापदमिदं विदूति॥
Viññū cārittamicceva, sikkhāpadamidaṃ vidūti.
चारित्तसिक्खापदवण्णना निट्ठिता।
Cārittasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ५. अचेलकवग्गो • 5. Acelakavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / ६. चारित्तसिक्खापदवण्णना • 6. Cārittasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ६. चारित्तसिक्खापदं • 6. Cārittasikkhāpadaṃ
