| Library / Tipiṭaka / තිපිටක • Tipiṭaka / කඞ්ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
10. චාරිකනපක්කමනසික්ඛාපදවණ්ණනා
10. Cārikanapakkamanasikkhāpadavaṇṇanā
ධුරෙ නික්ඛිත්තමත්තෙති සචෙ ධුරං නික්ඛිපිත්වා පච්ඡා පක්කමති, ආපත්තියෙවාති අත්ථො. අන්තරායෙ සතීති දසවිධෙසු අන්තරායෙසු අඤ්ඤතරස්මිං සති. ‘‘ගච්ඡිස්සාමී’’ති නික්ඛන්තා, නදී වා පූරා, වනදාහො වා ආගතො, චොරා වා මග්ගෙ හොන්ති, මෙඝො වා උට්ඨහති, නිවත්තිතුං වට්ටති.
Dhure nikkhittamatteti sace dhuraṃ nikkhipitvā pacchā pakkamati, āpattiyevāti attho. Antarāye satīti dasavidhesu antarāyesu aññatarasmiṃ sati. ‘‘Gacchissāmī’’ti nikkhantā, nadī vā pūrā, vanadāho vā āgato, corā vā magge honti, megho vā uṭṭhahati, nivattituṃ vaṭṭati.
චාරිකනපක්කමනසික්ඛාපදවණ්ණනා නිට්ඨිතා.
Cārikanapakkamanasikkhāpadavaṇṇanā niṭṭhitā.
තුවට්ටවග්ගො චතුත්ථො.
Tuvaṭṭavaggo catuttho.
