| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
১০. চারিকনপক্কমনসিক্খাপদৰণ্ণনা
10. Cārikanapakkamanasikkhāpadavaṇṇanā
ধুরে নিক্খিত্তমত্তেতি সচে ধুরং নিক্খিপিত্ৰা পচ্ছা পক্কমতি, আপত্তিযেৰাতি অত্থো। অন্তরাযে সতীতি দসৰিধেসু অন্তরাযেসু অঞ্ঞতরস্মিং সতি। ‘‘গচ্ছিস্সামী’’তি নিক্খন্তা, নদী ৰা পূরা, ৰনদাহো ৰা আগতো, চোরা ৰা মগ্গে হোন্তি, মেঘো ৰা উট্ঠহতি, নিৰত্তিতুং ৰট্টতি।
Dhure nikkhittamatteti sace dhuraṃ nikkhipitvā pacchā pakkamati, āpattiyevāti attho. Antarāye satīti dasavidhesu antarāyesu aññatarasmiṃ sati. ‘‘Gacchissāmī’’ti nikkhantā, nadī vā pūrā, vanadāho vā āgato, corā vā magge honti, megho vā uṭṭhahati, nivattituṃ vaṭṭati.
চারিকনপক্কমনসিক্খাপদৰণ্ণনা নিট্ঠিতা।
Cārikanapakkamanasikkhāpadavaṇṇanā niṭṭhitā.
তুৰট্টৰগ্গো চতুত্থো।
Tuvaṭṭavaggo catuttho.
