| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
২. চরৰগ্গো
2. Caravaggo
১. চরসুত্তৰণ্ণনা
1. Carasuttavaṇṇanā
১১. দুতিযস্স পঠমে অধিৰাসেতীতি চিত্তং অধিরোপেত্ৰা ৰাসেতি। নপ্পজহতীতি ন পরিচ্চজতি। ন ৰিনোদেতীতি ন নীহরতি। ন ব্যন্তীকরোতীতি ন ৰিগতন্তং পরিচ্ছিন্নপরিৰটুমং করোতি। ন অনভাৰং গমেতীতি ন অনুঅভাৰং অৰড্ঢিং ৰিনাসং গমেতি। চরম্পীতি চরন্তোপি। অনাতাপীতি নিব্বীরিযো। অনোত্তাপীতি উপৰাদভযরহিতো। সততন্তি নিচ্চং। সমিতন্তি নিরন্তরং। এৰং সব্বত্থ অত্থং ঞত্ৰা সুক্কপক্খে ৰুত্তৰিপরিযাযেন অত্থো ৰেদিতব্বো।
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
গাথাসু গেহনিস্সিতন্তি কিলেসনিস্সিতং। মোহনেয্যেসূতি মোহজনকেসু আরম্মণেসু। অভব্বোতি অভাজনভূতো। ফুট্ঠুং সম্বোধিমুত্তমন্তি অরহত্তমগ্গসঙ্খাতং উত্তমঞাণং ফুসিতুং।
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. চরসুত্তং • 1. Carasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. চরসুত্তৰণ্ণনা • 1. Carasuttavaṇṇanā
