3. Caṅkoṭakiyattheraapadānaṃ

10.

‘‘Mahāsamuddaṃ nissāya, vasatī pabbatantare;

Paccuggantvāna katvāna ³, caṅkoṭaka ⁴ madāsahaṃ.

11.

‘‘Siddhatthassa mahesino, sabbasattānukampino ⁶;

Pupphacaṅkoṭakaṃ datvā, kappaṃ saggamhi modahaṃ.

12.

‘‘Catunnavutito kappe, caṅkoṭakamadaṃ tadā;

Duggatiṃ nābhijānāmi, caṅkoṭakassidaṃ phalaṃ.

13.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā caṅkoṭakiyo thero imā gāthāyo abhāsitthāti.

Caṅkoṭakiyattherassāpadānaṃ tatiyaṃ.