| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౯. చఙ్కమసుత్తవణ్ణనా
9. Caṅkamasuttavaṇṇanā
౨౯. నవమే అద్ధానక్ఖమో హోతీతి దూరం అద్ధానమగ్గం గచ్ఛన్తో ఖమతి, అధివాసేతుం సక్కోతి. పధానక్ఖమోతి వీరియక్ఖమో. చఙ్కమాధిగతో సమాధీతి చఙ్కమం అధిట్ఠహన్తేన అధిగతో అట్ఠన్నం సమాపత్తీనం అఞ్ఞతరసమాధి. చిరట్ఠితికో హోతీతి చిరం తిట్ఠతి. ఠితకేన గహితనిమిత్తఞ్హి నిసిన్నస్స నస్సతి, నిసిన్నేన గహితనిమిత్తం నిపన్నస్స. చఙ్కమం అధిట్ఠహన్తేన చలితారమ్మణే గహితనిమిత్తం పన ఠితస్సపి నిసిన్నస్సపి నిపన్నస్సపి న నస్సతీతి.
29. Navame addhānakkhamo hotīti dūraṃ addhānamaggaṃ gacchanto khamati, adhivāsetuṃ sakkoti. Padhānakkhamoti vīriyakkhamo. Caṅkamādhigato samādhīti caṅkamaṃ adhiṭṭhahantena adhigato aṭṭhannaṃ samāpattīnaṃ aññatarasamādhi. Ciraṭṭhitiko hotīti ciraṃ tiṭṭhati. Ṭhitakena gahitanimittañhi nisinnassa nassati, nisinnena gahitanimittaṃ nipannassa. Caṅkamaṃ adhiṭṭhahantena calitārammaṇe gahitanimittaṃ pana ṭhitassapi nisinnassapi nipannassapi na nassatīti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౯. చఙ్కమసుత్తం • 9. Caṅkamasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౮-౯. పఞ్చఙ్గికసుత్తాదివణ్ణనా • 8-9. Pañcaṅgikasuttādivaṇṇanā
