| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၉. စင္ကမသုတ္တံ
9. Caṅkamasuttaṃ
၂၉. ‘‘ပဉ္စိမေ, ဘိက္ခဝေ, စင္ကမေ အာနိသံသာ။ ကတမေ ပဉ္စ? အဒ္ဓာနက္ခမော ဟောတိ, ပဓာနက္ခမော ဟောတိ, အပ္ပာဗာဓော ဟောတိ, အသိတံ ပီတံ ခာယိတံ သာယိတံ သမ္မာ ပရိဏာမံ ဂစ္ဆတိ, စင္ကမာဓိဂတော သမာဓိ စိရဋ္ဌိတိကော ဟောတိ။ ဣမေ ခော, ဘိက္ခဝေ, ပဉ္စ စင္ကမေ အာနိသံသာ’’တိ။ နဝမံ။
29. ‘‘Pañcime, bhikkhave, caṅkame ānisaṃsā. Katame pañca? Addhānakkhamo hoti, padhānakkhamo hoti, appābādho hoti, asitaṃ pītaṃ khāyitaṃ sāyitaṃ sammā pariṇāmaṃ gacchati, caṅkamādhigato samādhi ciraṭṭhitiko hoti. Ime kho, bhikkhave, pañca caṅkame ānisaṃsā’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉. စင္ကမသုတ္တဝဏ္ဏနာ • 9. Caṅkamasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈-၉. ပဉ္စင္ဂိကသုတ္တာဒိဝဏ္ဏနာ • 8-9. Pañcaṅgikasuttādivaṇṇanā
