| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೯. ಚನ್ದಿಮಸುತ್ತವಣ್ಣನಾ
9. Candimasuttavaṇṇanā
೯೦. ವಿಮಾನೇ ಗಹಿತೇ ತಂನಿವಾಸೀಪಿ ಗಹಿತೋ ಹೋತೀತಿ ವುತ್ತಂ ‘‘ಚನ್ದವಿಮಾನವಾಸೀ ದೇವಪುತ್ತೋ’’ತಿ। ಸಬ್ಬಧೀತಿ ಸಬ್ಬಸ್ಮಾ ದುಗ್ಗಟ್ಠಾನಾ ವಿಪ್ಪಮುತ್ತೋಸಿ ಭಗವಾ ತ್ವಂ, ತಸ್ಮಾ ಮಯ್ಹಮ್ಪಿ ಇತೋ ಸಮ್ಬಾಧಟ್ಠಾನತೋ ವಿಪ್ಪಮೋಕ್ಖಂ ಕರೋಹೀತಿ ಅಧಿಪ್ಪಾಯೋ। ತೇನಾಹ ‘‘ತಸ್ಸ ಮೇ ಸರಣಂ ಭವಾ’’ತಿ। ಲೋಕಾನುಕಮ್ಪಕಾತಿ ಸಬ್ಬಸ್ಸ ಲೋಕಸ್ಸ ಅನುಗ್ಗಹಾ, ತಸ್ಮಾ ತುಯ್ಹಮ್ಪಿ ಏತಸ್ಸಪಿ ಚನ್ದಸ್ಸ। ತಾದಿಸಾ ಏವಾತಿ ಸಮಾನಾ ಏವ। ಪಮುಞ್ಚಸೀತಿ ಪಮುಞ್ಚಿತ್ಥ। ತೇನಾಹ ‘‘ಅತೀತತ್ಥೇ ವತ್ತಮಾನವಚನ’’ನ್ತಿ।
90. Vimāne gahite taṃnivāsīpi gahito hotīti vuttaṃ ‘‘candavimānavāsī devaputto’’ti. Sabbadhīti sabbasmā duggaṭṭhānā vippamuttosi bhagavā tvaṃ, tasmā mayhampi ito sambādhaṭṭhānato vippamokkhaṃ karohīti adhippāyo. Tenāha ‘‘tassa me saraṇaṃ bhavā’’ti. Lokānukampakāti sabbassa lokassa anuggahā, tasmā tuyhampi etassapi candassa. Tādisā evāti samānā eva. Pamuñcasīti pamuñcittha. Tenāha ‘‘atītatthe vattamānavacana’’nti.
ಚನ್ದಿಮಸುತ್ತವಣ್ಣನಾ ನಿಟ್ಠಿತಾ।
Candimasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೯. ಚನ್ದಿಮಸುತ್ತಂ • 9. Candimasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೯. ಚನ್ದಿಮಸುತ್ತವಣ್ಣನಾ • 9. Candimasuttavaṇṇanā
