| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. စန္ဒိမသုတ္တဝဏ္ဏနာ
9. Candimasuttavaṇṇanā
၉၀. ဝိမာနေ ဂဟိတေ တံနိဝာသီပိ ဂဟိတော ဟောတီတိ ဝုတ္တံ ‘‘စန္ဒဝိမာနဝာသီ ဒေဝပုတ္တော’’တိ။ သဗ္ဗဓီတိ သဗ္ဗသ္မာ ဒုဂ္ဂဋ္ဌာနာ ဝိပ္ပမုတ္တောသိ ဘဂဝာ တ္ဝံ, တသ္မာ မယ္ဟမ္ပိ ဣတော သမ္ဗာဓဋ္ဌာနတော ဝိပ္ပမောက္ခံ ကရောဟီတိ အဓိပ္ပာယော။ တေနာဟ ‘‘တသ္သ မေ သရဏံ ဘဝာ’’တိ။ လောကာနုကမ္ပကာတိ သဗ္ဗသ္သ လောကသ္သ အနုဂ္ဂဟာ, တသ္မာ တုယ္ဟမ္ပိ ဧတသ္သပိ စန္ဒသ္သ။ တာဒိသာ ဧဝာတိ သမာနာ ဧဝ။ ပမုဉ္စသီတိ ပမုဉ္စိတ္ထ။ တေနာဟ ‘‘အတီတတ္ထေ ဝတ္တမာနဝစန’’န္တိ။
90. Vimāne gahite taṃnivāsīpi gahito hotīti vuttaṃ ‘‘candavimānavāsī devaputto’’ti. Sabbadhīti sabbasmā duggaṭṭhānā vippamuttosi bhagavā tvaṃ, tasmā mayhampi ito sambādhaṭṭhānato vippamokkhaṃ karohīti adhippāyo. Tenāha ‘‘tassa me saraṇaṃ bhavā’’ti. Lokānukampakāti sabbassa lokassa anuggahā, tasmā tuyhampi etassapi candassa. Tādisā evāti samānā eva. Pamuñcasīti pamuñcittha. Tenāha ‘‘atītatthe vattamānavacana’’nti.
စန္ဒိမသုတ္တဝဏ္ဏနာ နိဋ္ဌိတာ။
Candimasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. စန္ဒိမသုတ္တံ • 9. Candimasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. စန္ဒိမသုတ္တဝဏ္ဏနာ • 9. Candimasuttavaṇṇanā
