| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. จนฺทิมสุตฺตวณฺณนา
9. Candimasuttavaṇṇanā
๙๐. วิมาเน คหิเต ตํนิวาสีปิ คหิโต โหตีติ วุตฺตํ ‘‘จนฺทวิมานวาสี เทวปุโตฺต’’ติฯ สพฺพธีติ สพฺพสฺมา ทุคฺคฎฺฐานา วิปฺปมุโตฺตสิ ภควา ตฺวํ, ตสฺมา มยฺหมฺปิ อิโต สมฺพาธฎฺฐานโต วิปฺปโมกฺขํ กโรหีติ อธิปฺปาโยฯ เตนาห ‘‘ตสฺส เม สรณํ ภวา’’ติฯ โลกานุกมฺปกาติ สพฺพสฺส โลกสฺส อนุคฺคหา, ตสฺมา ตุยฺหมฺปิ เอตสฺสปิ จนฺทสฺสฯ ตาทิสา เอวาติ สมานา เอวฯ ปมุญฺจสีติ ปมุญฺจิตฺถฯ เตนาห ‘‘อตีตเตฺถ วตฺตมานวจน’’นฺติฯ
90. Vimāne gahite taṃnivāsīpi gahito hotīti vuttaṃ ‘‘candavimānavāsī devaputto’’ti. Sabbadhīti sabbasmā duggaṭṭhānā vippamuttosi bhagavā tvaṃ, tasmā mayhampi ito sambādhaṭṭhānato vippamokkhaṃ karohīti adhippāyo. Tenāha ‘‘tassa me saraṇaṃ bhavā’’ti. Lokānukampakāti sabbassa lokassa anuggahā, tasmā tuyhampi etassapi candassa. Tādisā evāti samānā eva. Pamuñcasīti pamuñcittha. Tenāha ‘‘atītatthe vattamānavacana’’nti.
จนฺทิมสุตฺตวณฺณนา นิฎฺฐิตาฯ
Candimasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. จนฺทิมสุตฺตํ • 9. Candimasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. จนฺทิมสุตฺตวณฺณนา • 9. Candimasuttavaṇṇanā
