| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
2. අනාථපිණ්ඩිකවග්ගො
2. Anāthapiṇḍikavaggo
1. චන්දිමසසුත්තං
1. Candimasasuttaṃ
92. සාවත්ථිනිදානං . අථ ඛො චන්දිමසො 1 දෙවපුත්තො අභික්කන්තාය රත්තියා අභික්කන්තවණ්ණො කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමි; උපසඞ්කමිත්වා භගවන්තං අභිවාදෙත්වා එකමන්තං අට්ඨාසි . එකමන්තං ඨිතො ඛො චන්දිමසො දෙවපුත්තො භගවතො සන්තිකෙ ඉමං ගාථං අභාසි –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘තෙ හි සොත්ථිං ගමිස්සන්ති, කච්ඡෙ වාමකසෙ මගා;
‘‘Te hi sotthiṃ gamissanti, kacche vāmakase magā;
ඣානානි උපසම්පජ්ජ, එකොදි නිපකා සතා’’ති.
Jhānāni upasampajja, ekodi nipakā satā’’ti.
‘‘තෙ හි පාරං ගමිස්සන්ති, ඡෙත්වා ජාලංව අම්බුජො;
‘‘Te hi pāraṃ gamissanti, chetvā jālaṃva ambujo;
ඣානානි උපසම්පජ්ජ, අප්පමත්තා රණඤ්ජහා’’ති.
Jhānāni upasampajja, appamattā raṇañjahā’’ti.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 1. චන්දිමසසුත්තවණ්ණනා • 1. Candimasasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 1. චන්දිමසසුත්තවණ්ණනා • 1. Candimasasuttavaṇṇanā
