| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. အနာထပိဏ္ဍိကဝဂ္ဂော
2. Anāthapiṇḍikavaggo
၁. စန္ဒိမသသုတ္တံ
1. Candimasasuttaṃ
၉၂. သာဝတ္ထိနိဒာနံ ။ အထ ခော စန္ဒိမသော 1 ဒေဝပုတ္တော အဘိက္ကန္တာယ ရတ္တိယာ အဘိက္ကန္တဝဏ္ဏော ကေဝလကပ္ပံ ဇေတဝနံ ဩဘာသေတ္ဝာ ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝန္တံ အဘိဝာဒေတ္ဝာ ဧကမန္တံ အဋ္ဌာသိ ။ ဧကမန္တံ ဌိတော ခော စန္ဒိမသော ဒေဝပုတ္တော ဘဂဝတော သန္တိကေ ဣမံ ဂာထံ အဘာသိ –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘တေ ဟိ သောတ္ထိံ ဂမိသ္သန္တိ၊ ကစ္ဆေ ဝာမကသေ မဂာ။
‘‘Te hi sotthiṃ gamissanti, kacche vāmakase magā;
ဈာနာနိ ဥပသမ္ပဇ္ဇ၊ ဧကောဒိ နိပကာ သတာ’’တိ။
Jhānāni upasampajja, ekodi nipakā satā’’ti.
‘‘တေ ဟိ ပာရံ ဂမိသ္သန္တိ၊ ဆေတ္ဝာ ဇာလံဝ အမ္ဗုဇော။
‘‘Te hi pāraṃ gamissanti, chetvā jālaṃva ambujo;
ဈာနာနိ ဥပသမ္ပဇ္ဇ၊ အပ္ပမတ္တာ ရဏဉ္ဇဟာ’’တိ။
Jhānāni upasampajja, appamattā raṇañjahā’’ti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. စန္ဒိမသသုတ္တဝဏ္ဏနာ • 1. Candimasasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. စန္ဒိမသသုတ္တဝဏ္ဏနာ • 1. Candimasasuttavaṇṇanā
