| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๒. อนาถปิณฺฑิกวโคฺค
2. Anāthapiṇḍikavaggo
๑. จนฺทิมสสุตฺตํ
1. Candimasasuttaṃ
๙๒. สาวตฺถินิทานํ ฯ อถ โข จนฺทิมโส 1 เทวปุโตฺต อภิกฺกนฺตาย รตฺติยา อภิกฺกนฺตวโณฺณ เกวลกปฺปํ เชตวนํ โอภาเสตฺวา เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ อฎฺฐาสิ ฯ เอกมนฺตํ ฐิโต โข จนฺทิมโส เทวปุโตฺต ภควโต สนฺติเก อิมํ คาถํ อภาสิ –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘เต หิ โสตฺถิํ คมิสฺสนฺติ, กเจฺฉ วามกเส มคา;
‘‘Te hi sotthiṃ gamissanti, kacche vāmakase magā;
ฌานานิ อุปสมฺปชฺช, เอโกทิ นิปกา สตา’’ติฯ
Jhānāni upasampajja, ekodi nipakā satā’’ti.
‘‘เต หิ ปารํ คมิสฺสนฺติ, เฉตฺวา ชาลํว อมฺพุโช;
‘‘Te hi pāraṃ gamissanti, chetvā jālaṃva ambujo;
ฌานานิ อุปสมฺปชฺช, อปฺปมตฺตา รณญฺชหา’’ติฯ
Jhānāni upasampajja, appamattā raṇañjahā’’ti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. จนฺทิมสสุตฺตวณฺณนา • 1. Candimasasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. จนฺทิมสสุตฺตวณฺณนา • 1. Candimasasuttavaṇṇanā
