| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
२. अनाथपिण्डिकवग्गो
2. Anāthapiṇḍikavaggo
१. चन्दिमससुत्तं
1. Candimasasuttaṃ
९२. सावत्थिनिदानं । अथ खो चन्दिमसो 1 देवपुत्तो अभिक्कन्ताय रत्तिया अभिक्कन्तवण्णो केवलकप्पं जेतवनं ओभासेत्वा येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं अट्ठासि । एकमन्तं ठितो खो चन्दिमसो देवपुत्तो भगवतो सन्तिके इमं गाथं अभासि –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘ते हि सोत्थिं गमिस्सन्ति, कच्छे वामकसे मगा।
‘‘Te hi sotthiṃ gamissanti, kacche vāmakase magā;
झानानि उपसम्पज्ज, एकोदि निपका सता’’ति॥
Jhānāni upasampajja, ekodi nipakā satā’’ti.
‘‘ते हि पारं गमिस्सन्ति, छेत्वा जालंव अम्बुजो।
‘‘Te hi pāraṃ gamissanti, chetvā jālaṃva ambujo;
झानानि उपसम्पज्ज, अप्पमत्ता रणञ्जहा’’ति॥
Jhānāni upasampajja, appamattā raṇañjahā’’ti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. चन्दिमससुत्तवण्णना • 1. Candimasasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १. चन्दिमससुत्तवण्णना • 1. Candimasasuttavaṇṇanā
