| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. অনাথপিণ্ডিকৰগ্গো
2. Anāthapiṇḍikavaggo
১. চন্দিমসসুত্তং
1. Candimasasuttaṃ
৯২. সাৰত্থিনিদানং । অথ খো চন্দিমসো 1 দেৰপুত্তো অভিক্কন্তায রত্তিযা অভিক্কন্তৰণ্ণো কেৰলকপ্পং জেতৰনং ওভাসেত্ৰা যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং অট্ঠাসি । একমন্তং ঠিতো খো চন্দিমসো দেৰপুত্তো ভগৰতো সন্তিকে ইমং গাথং অভাসি –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘তে হি সোত্থিং গমিস্সন্তি, কচ্ছে ৰামকসে মগা।
‘‘Te hi sotthiṃ gamissanti, kacche vāmakase magā;
ঝানানি উপসম্পজ্জ, একোদি নিপকা সতা’’তি॥
Jhānāni upasampajja, ekodi nipakā satā’’ti.
‘‘তে হি পারং গমিস্সন্তি, ছেত্ৰা জালংৰ অম্বুজো।
‘‘Te hi pāraṃ gamissanti, chetvā jālaṃva ambujo;
ঝানানি উপসম্পজ্জ, অপ্পমত্তা রণঞ্জহা’’তি॥
Jhānāni upasampajja, appamattā raṇañjahā’’ti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. চন্দিমসসুত্তৰণ্ণনা • 1. Candimasasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. চন্দিমসসুত্তৰণ্ণনা • 1. Candimasasuttavaṇṇanā
