| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. චන්දනපූජනකත්ථෙරඅපදානං
3. Candanapūjanakattheraapadānaṃ
17.
17.
‘‘චන්දභාගානදීතීරෙ, අහොසිං කින්නරො තදා;
‘‘Candabhāgānadītīre, ahosiṃ kinnaro tadā;
18.
18.
‘‘අත්ථදස්සී තු භගවා, ලොකජෙට්ඨො නරාසභො;
‘‘Atthadassī tu bhagavā, lokajeṭṭho narāsabho;
විපිනග්ගෙන නිය්යාසි, හංසරාජාව අම්බරෙ.
Vipinaggena niyyāsi, haṃsarājāva ambare.
19.
19.
‘‘නමො තෙ පුරිසාජඤ්ඤ, චිත්තං තෙ සුවිසොධිතං;
‘‘Namo te purisājañña, cittaṃ te suvisodhitaṃ;
පසන්නමුඛවණ්ණොසි, විප්පසන්නමුඛින්ද්රියො.
Pasannamukhavaṇṇosi, vippasannamukhindriyo.
20.
20.
‘‘ඔරොහිත්වාන ආකාසා, භූරිපඤ්ඤො සුමෙධසො;
‘‘Orohitvāna ākāsā, bhūripañño sumedhaso;
සඞ්ඝාටිං පත්ථරිත්වාන, පල්ලඞ්කෙන උපාවිසි.
Saṅghāṭiṃ pattharitvāna, pallaṅkena upāvisi.
21.
21.
‘‘විලීනං චන්දනාදාය, අගමාසිං ජිනන්තිකං;
‘‘Vilīnaṃ candanādāya, agamāsiṃ jinantikaṃ;
පසන්නචිත්තො සුමනො, බුද්ධස්ස අභිරොපයිං.
Pasannacitto sumano, buddhassa abhiropayiṃ.
22.
22.
‘‘අභිවාදෙත්වාන සම්බුද්ධං, ලොකජෙට්ඨං නරාසභං;
‘‘Abhivādetvāna sambuddhaṃ, lokajeṭṭhaṃ narāsabhaṃ;
පාමොජ්ජං ජනයිත්වාන, පක්කාමිං උත්තරාමුඛො.
Pāmojjaṃ janayitvāna, pakkāmiṃ uttarāmukho.
23.
23.
‘‘අට්ඨාරසෙ කප්පසතෙ, චන්දනං යං අපූජයිං;
‘‘Aṭṭhārase kappasate, candanaṃ yaṃ apūjayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
24.
24.
‘‘චතුද්දසෙ කප්පසතෙ, ඉතො ආසිංසු තෙ තයො;
‘‘Catuddase kappasate, ito āsiṃsu te tayo;
25.
25.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා චන්දනපූජනකො ථෙරො ඉමා ගාථායො අභාසිත්ථාති;
Itthaṃ sudaṃ āyasmā candanapūjanako thero imā gāthāyo abhāsitthāti;
චන්දනපූජනකත්ථෙරස්සාපදානං තතියං.
Candanapūjanakattherassāpadānaṃ tatiyaṃ.
අට්ඨමභාණවාරං.
Aṭṭhamabhāṇavāraṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 3. චන්දනපූජනකත්ථෙරඅපදානවණ්ණනා • 3. Candanapūjanakattheraapadānavaṇṇanā
