| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. จนฺทนปูชนกเตฺถรอปทานํ
3. Candanapūjanakattheraapadānaṃ
๑๗.
17.
‘‘จนฺทภาคานทีตีเร, อโหสิํ กินฺนโร ตทา;
‘‘Candabhāgānadītīre, ahosiṃ kinnaro tadā;
๑๘.
18.
‘‘อตฺถทสฺสี ตุ ภควา, โลกเชโฎฺฐ นราสโภ;
‘‘Atthadassī tu bhagavā, lokajeṭṭho narāsabho;
วิปินเคฺคน นิยฺยาสิ, หํสราชาว อมฺพเรฯ
Vipinaggena niyyāsi, haṃsarājāva ambare.
๑๙.
19.
‘‘นโม เต ปุริสาชญฺญ, จิตฺตํ เต สุวิโสธิตํ;
‘‘Namo te purisājañña, cittaṃ te suvisodhitaṃ;
ปสนฺนมุขวโณฺณสิ, วิปฺปสนฺนมุขินฺทฺริโยฯ
Pasannamukhavaṇṇosi, vippasannamukhindriyo.
๒๐.
20.
‘‘โอโรหิตฺวาน อากาสา, ภูริปโญฺญ สุเมธโส;
‘‘Orohitvāna ākāsā, bhūripañño sumedhaso;
สงฺฆาฎิํ ปตฺถริตฺวาน, ปลฺลเงฺกน อุปาวิสิฯ
Saṅghāṭiṃ pattharitvāna, pallaṅkena upāvisi.
๒๑.
21.
‘‘วิลีนํ จนฺทนาทาย, อคมาสิํ ชินนฺติกํ;
‘‘Vilīnaṃ candanādāya, agamāsiṃ jinantikaṃ;
ปสนฺนจิโตฺต สุมโน, พุทฺธสฺส อภิโรปยิํฯ
Pasannacitto sumano, buddhassa abhiropayiṃ.
๒๒.
22.
‘‘อภิวาเทตฺวาน สมฺพุทฺธํ, โลกเชฎฺฐํ นราสภํ;
‘‘Abhivādetvāna sambuddhaṃ, lokajeṭṭhaṃ narāsabhaṃ;
ปาโมชฺชํ ชนยิตฺวาน, ปกฺกามิํ อุตฺตรามุโขฯ
Pāmojjaṃ janayitvāna, pakkāmiṃ uttarāmukho.
๒๓.
23.
‘‘อฎฺฐารเส กปฺปสเต, จนฺทนํ ยํ อปูชยิํ;
‘‘Aṭṭhārase kappasate, candanaṃ yaṃ apūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๒๔.
24.
‘‘จตุทฺทเส กปฺปสเต, อิโต อาสิํสุ เต ตโย;
‘‘Catuddase kappasate, ito āsiṃsu te tayo;
๒๕.
25.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา จนฺทนปูชนโก เถโร อิมา คาถาโย อภาสิตฺถาติ;
Itthaṃ sudaṃ āyasmā candanapūjanako thero imā gāthāyo abhāsitthāti;
จนฺทนปูชนกเตฺถรสฺสาปทานํ ตติยํฯ
Candanapūjanakattherassāpadānaṃ tatiyaṃ.
อฎฺฐมภาณวารํฯ
Aṭṭhamabhāṇavāraṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. จนฺทนปูชนกเตฺถรอปทานวณฺณนา • 3. Candanapūjanakattheraapadānavaṇṇanā
