| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
3. жанд̣̇анабууж̇анагад̇т̇зраабад̣̇аанам̣
3. Candanapūjanakattheraapadānaṃ
17.
17.
‘‘жанд̣̇абхааг̇аанад̣̇ийд̇ийрз, ахосим̣ гиннаро д̇ад̣̇аа;
‘‘Candabhāgānadītīre, ahosiṃ kinnaro tadā;
бубпабхагко жахам̣ аасим̣, бубпаанивасано д̇ат̇аа 1.
Pupphabhakkho cahaṃ āsiṃ, pupphānivasano tathā 2.
18.
18.
‘‘ад̇т̇ад̣̇ассий д̇у бхаг̇аваа, логаж̇здто нараасабхо;
‘‘Atthadassī tu bhagavā, lokajeṭṭho narāsabho;
вибинаг̇г̇зна нияяааси, хам̣сарааж̇аава амб̣арз.
Vipinaggena niyyāsi, haṃsarājāva ambare.
19.
19.
‘‘намо д̇з бурисааж̇ан̃н̃а, жид̇д̇ам̣ д̇з сувисод̇хид̇ам̣;
‘‘Namo te purisājañña, cittaṃ te suvisodhitaṃ;
басаннамукаван̣н̣оси, виббасаннамукинд̣̇рияо.
Pasannamukhavaṇṇosi, vippasannamukhindriyo.
20.
20.
‘‘орохид̇ваана аагаасаа, бхуурибан̃н̃о сумзд̇хасо;
‘‘Orohitvāna ākāsā, bhūripañño sumedhaso;
сан̇гхаадим̣ бад̇т̇арид̇ваана, баллан̇гзна убаависи.
Saṅghāṭiṃ pattharitvāna, pallaṅkena upāvisi.
21.
21.
‘‘вилийнам̣ жанд̣̇анаад̣̇ааяа, аг̇амаасим̣ ж̇инанд̇игам̣;
‘‘Vilīnaṃ candanādāya, agamāsiṃ jinantikaṃ;
басаннажид̇д̇о сумано, б̣уд̣̇д̇хасса абхиробаяим̣.
Pasannacitto sumano, buddhassa abhiropayiṃ.
22.
22.
‘‘абхиваад̣̇зд̇ваана самб̣уд̣̇д̇хам̣, логаж̇здтам̣ нараасабхам̣;
‘‘Abhivādetvāna sambuddhaṃ, lokajeṭṭhaṃ narāsabhaṃ;
баамож̇ж̇ам̣ ж̇анаяид̇ваана, баггаамим̣ уд̇д̇араамуко.
Pāmojjaṃ janayitvāna, pakkāmiṃ uttarāmukho.
23.
23.
‘‘адтаарасз габбасад̇з, жанд̣̇анам̣ яам̣ абууж̇аяим̣;
‘‘Aṭṭhārase kappasate, candanaṃ yaṃ apūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
24.
24.
‘‘жад̇уд̣̇д̣̇асз габбасад̇з, ид̇о аасим̣су д̇з д̇аяо;
‘‘Catuddase kappasate, ito āsiṃsu te tayo;
25.
25.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа жанд̣̇анабууж̇анаго т̇зро имаа г̇аат̇ааяо абхаасид̇т̇аад̇и;
Itthaṃ sudaṃ āyasmā candanapūjanako thero imā gāthāyo abhāsitthāti;
жанд̣̇анабууж̇анагад̇т̇зрассаабад̣̇аанам̣ д̇ад̇ияам̣.
Candanapūjanakattherassāpadānaṃ tatiyaṃ.
адтамабхаан̣аваарам̣.
Aṭṭhamabhāṇavāraṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 3. жанд̣̇анабууж̇анагад̇т̇зраабад̣̇аанаван̣н̣анаа • 3. Candanapūjanakattheraapadānavaṇṇanā
