| Library / Tipiṭaka / திபிடக • Tipiṭaka / சரியாபிடகபாளி • Cariyāpiṭakapāḷi |
3. சம்பெய்யனாக³சரியா
3. Campeyyanāgacariyā
20.
20.
‘‘புனாபரங் யதா³ ஹோமி, சம்பெய்யகோ மஹித்³தி⁴கோ;
‘‘Punāparaṃ yadā homi, campeyyako mahiddhiko;
ததா³பி த⁴ம்மிகோ ஆஸிங், ஸீலப்³ப³தஸமப்பிதோ.
Tadāpi dhammiko āsiṃ, sīlabbatasamappito.
21.
21.
‘‘ததா³பி மங் த⁴ம்மசாரிங், உபவுத்த²ங் உபோஸத²ங்;
‘‘Tadāpi maṃ dhammacāriṃ, upavutthaṃ uposathaṃ;
அஹிதுண்டி³கோ க³ஹெத்வான, ராஜத்³வாரம்ஹி கீளதி.
Ahituṇḍiko gahetvāna, rājadvāramhi kīḷati.
22.
22.
‘‘யங் யங் ஸோ வண்ணங் சிந்தயி, நீலங்வ பீதலோஹிதங்;
‘‘Yaṃ yaṃ so vaṇṇaṃ cintayi, nīlaṃva pītalohitaṃ;
தஸ்ஸ சித்தானுவத்தந்தோ, ஹோமி சிந்திதஸன்னிபோ⁴.
Tassa cittānuvattanto, homi cintitasannibho.
23.
23.
‘‘த²லங் கரெய்யமுத³கங், உத³கம்பி த²லங் கரே;
‘‘Thalaṃ kareyyamudakaṃ, udakampi thalaṃ kare;
யதி³ஹங் தஸ்ஸ பகுப்பெய்யங், க²ணேன சா²ரிகங் கரே.
Yadihaṃ tassa pakuppeyyaṃ, khaṇena chārikaṃ kare.
24.
24.
‘‘யதி³ சித்தவஸீ ஹெஸ்ஸங், பரிஹாயிஸ்ஸாமி ஸீலதோ;
‘‘Yadi cittavasī hessaṃ, parihāyissāmi sīlato;
ஸீலேன பரிஹீனஸ்ஸ, உத்தமத்தோ² ந ஸிஜ்ஜ²தி.
Sīlena parihīnassa, uttamattho na sijjhati.
25.
25.
‘‘காமங் பி⁴ஜ்ஜதுயங் காயோ, இதே⁴வ விகிரீயது;
‘‘Kāmaṃ bhijjatuyaṃ kāyo, idheva vikirīyatu;
நேவ ஸீலங் பபி⁴ந்தெ³ய்யங், விகிரந்தே பு⁴ஸங் வியா’’தி.
Neva sīlaṃ pabhindeyyaṃ, vikirante bhusaṃ viyā’’ti.
சம்பெய்யனாக³சரியங் ததியங்.
Campeyyanāgacariyaṃ tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சரியாபிடக-அட்ட²கதா² • Cariyāpiṭaka-aṭṭhakathā / 3. சம்பெய்யனாக³சரியாவண்ணனா • 3. Campeyyanāgacariyāvaṇṇanā
