324. Cammasāṭakajātakaṃ (4-3-4)

93.

Kalyāṇarūpo vatayaṃ catuppado, subhaddako ceva supesalo ca;

Yo brāhmaṇaṃ jātimantūpapannaṃ, apacāyati meṇḍavaro yasassī.

94.

Mā brāhmaṇa ittaradassanena, vissāsamāpajji catuppadassa;

Daḷhappahāraṃ abhikaṅkhamāno ², avasakkatī dassati suppahāraṃ.

95.

Ūruṭṭhi ⁶ bhaggaṃ pavaṭṭito ⁷ khāribhāro, sabbañca bhaṇḍaṃ brāhmaṇassa ⁸ bhinnaṃ;

Ubhopi bāhā paggayha ¹¹ kandati ¹², abhidhāvatha haññate brahmacārī.

96.

Evaṃ so nihato seti, yo apūjaṃ pasaṃsati ¹⁴;

Yathāhamajja pahato, hato meṇḍena dummatīti.

Cammasāṭakajātakaṃ catutthaṃ.