| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੧. ਚਮ੍ਮਨਿਦ੍ਦੇਸવਣ੍ਣਨਾ
21. Cammaniddesavaṇṇanā
੧੭੩. ਇਦਾਨਿ ‘‘ਅਨੁਜਾਨਾਮਿ, ਭਿਕ੍ਖવੇ, ਸਬ੍ਬਪਚ੍ਚਨ੍ਤਿਮੇਸੁ ਜਨਪਦੇਸੁ ਚਮ੍ਮਾਨਿ ਅਤ੍ਥਰਣਾਨਿ ਏਲ਼ਕਚਮ੍ਮਂ ਅਜਚਮ੍ਮਂ ਮਿਗਚਮ੍ਮ’’ਨ੍ਤਿ (ਮਹਾવ॰ ੨੫੯) ਏવਂ વੁਤ੍ਤਚਮ੍ਮਾਨਿ ਦਸ੍ਸੇਤੁਂ ‘‘ਮਿਗਾਜੇਲ਼ਕਚਮ੍ਮਾਨੀ’’ਤਿਆਦਿਮਾਹ। ਪਰਿਭੁਞ੍ਜਿਤੁਨ੍ਤਿ (ਮਹਾવ॰ ਅਟ੍ਠ॰ ੨੬੨) ਮਞ੍ਚਾਦੀਸੁ ਯਤ੍ਥ ਕਤ੍ਥਚਿ ਅਤ੍ਥਰਿਤ੍વਾ ਨਿਪਜ੍ਜਿਤੁਂ વਾ ਨਿਸੀਦਿਤੁਂ વਾ વਟ੍ਟਨ੍ਤੀਤਿ ਅਤ੍ਥੋ। ਰੋਹਿਤੇਣੀਪਸਦਾ ਚ ਕੁਰੁਙ੍ਗਾ ਚ ਚ-ਸਦ੍ਦੇਨ ਅਞ੍ਞੇਪਿ વਾਲ਼ਮਿਗਾ ਮਿਗਮਾਤੁਕਾਦਯੋਪਿ ਮਿਗਜਾਤਿਕਾ ਏવਾਤਿ ਅਧਿਪ੍ਪਾਯੋ।
173. Idāni ‘‘anujānāmi, bhikkhave, sabbapaccantimesu janapadesu cammāni attharaṇāni eḷakacammaṃ ajacammaṃ migacamma’’nti (mahāva. 259) evaṃ vuttacammāni dassetuṃ ‘‘migājeḷakacammānī’’tiādimāha. Paribhuñjitunti (mahāva. aṭṭha. 262) mañcādīsu yattha katthaci attharitvā nipajjituṃ vā nisīdituṃ vā vaṭṭantīti attho. Rohiteṇīpasadā ca kuruṅgā ca ca-saddena aññepi vāḷamigā migamātukādayopi migajātikā evāti adhippāyo.
੧੭੪. ਅਨੁਞ੍ਞਾਤਤ੍ਤਯਾ ਅਞ੍ਞਨ੍ਤਿ –
174.Anuññātattayā aññanti –
‘‘ਮਕ੍ਕਟੋ ਕਾਲ਼ਸੀਹੋ ਚ, ਸਰਭੋ ਕਦਲੀਮਿਗੋ।
‘‘Makkaṭo kāḷasīho ca, sarabho kadalīmigo;
ਯੇ ਚ વਾਲ਼ਮਿਗਾ ਕੇਚਿ, ਤੇਸਂ ਚਮ੍ਮਂ ਨ વਟ੍ਟਤੀ’’ਤਿ॥ –
Ye ca vāḷamigā keci, tesaṃ cammaṃ na vaṭṭatī’’ti. –
ਏਤ੍ਥ વਾਲ਼ਮਿਗਗ੍ਗਹਣੇਨ વੁਤ੍ਤਾવਸੇਸਾ ਅਨ੍ਤਮਸੋ ਗੋਮਹਿਂਸਾਦਯੋ ਗਹਿਤਾਤਿ વੇਦਿਤਬ੍ਬਾ। ਥવਿਕਾਤਿ ਉਪਾਹਨਕੋਸਕਸਤ੍ਥਕੋਸਕਕੁਞ੍ਚਿਕਕੋਸਕਾਤਿ વੇਦਿਤਬ੍ਬਾ, ਨ ਪਤ੍ਤਤ੍ਥવਿਕਾਦਯੋ। ਚਮ੍ਮવਿਨਿਚ੍ਛਯੋ।
Ettha vāḷamigaggahaṇena vuttāvasesā antamaso gomahiṃsādayo gahitāti veditabbā. Thavikāti upāhanakosakasatthakosakakuñcikakosakāti veditabbā, na pattatthavikādayo. Cammavinicchayo.
ਚਮ੍ਮਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Cammaniddesavaṇṇanā niṭṭhitā.
