| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೨೧. ಚಮ್ಮನಿದ್ದೇಸವಣ್ಣನಾ
21. Cammaniddesavaṇṇanā
೧೭೩. ಇದಾನಿ ‘‘ಅನುಜಾನಾಮಿ, ಭಿಕ್ಖವೇ, ಸಬ್ಬಪಚ್ಚನ್ತಿಮೇಸು ಜನಪದೇಸು ಚಮ್ಮಾನಿ ಅತ್ಥರಣಾನಿ ಏಳಕಚಮ್ಮಂ ಅಜಚಮ್ಮಂ ಮಿಗಚಮ್ಮ’’ನ್ತಿ (ಮಹಾವ॰ ೨೫೯) ಏವಂ ವುತ್ತಚಮ್ಮಾನಿ ದಸ್ಸೇತುಂ ‘‘ಮಿಗಾಜೇಳಕಚಮ್ಮಾನೀ’’ತಿಆದಿಮಾಹ। ಪರಿಭುಞ್ಜಿತುನ್ತಿ (ಮಹಾವ॰ ಅಟ್ಠ॰ ೨೬೨) ಮಞ್ಚಾದೀಸು ಯತ್ಥ ಕತ್ಥಚಿ ಅತ್ಥರಿತ್ವಾ ನಿಪಜ್ಜಿತುಂ ವಾ ನಿಸೀದಿತುಂ ವಾ ವಟ್ಟನ್ತೀತಿ ಅತ್ಥೋ। ರೋಹಿತೇಣೀಪಸದಾ ಚ ಕುರುಙ್ಗಾ ಚ ಚ-ಸದ್ದೇನ ಅಞ್ಞೇಪಿ ವಾಳಮಿಗಾ ಮಿಗಮಾತುಕಾದಯೋಪಿ ಮಿಗಜಾತಿಕಾ ಏವಾತಿ ಅಧಿಪ್ಪಾಯೋ।
173. Idāni ‘‘anujānāmi, bhikkhave, sabbapaccantimesu janapadesu cammāni attharaṇāni eḷakacammaṃ ajacammaṃ migacamma’’nti (mahāva. 259) evaṃ vuttacammāni dassetuṃ ‘‘migājeḷakacammānī’’tiādimāha. Paribhuñjitunti (mahāva. aṭṭha. 262) mañcādīsu yattha katthaci attharitvā nipajjituṃ vā nisīdituṃ vā vaṭṭantīti attho. Rohiteṇīpasadā ca kuruṅgā ca ca-saddena aññepi vāḷamigā migamātukādayopi migajātikā evāti adhippāyo.
೧೭೪. ಅನುಞ್ಞಾತತ್ತಯಾ ಅಞ್ಞನ್ತಿ –
174.Anuññātattayā aññanti –
‘‘ಮಕ್ಕಟೋ ಕಾಳಸೀಹೋ ಚ, ಸರಭೋ ಕದಲೀಮಿಗೋ।
‘‘Makkaṭo kāḷasīho ca, sarabho kadalīmigo;
ಯೇ ಚ ವಾಳಮಿಗಾ ಕೇಚಿ, ತೇಸಂ ಚಮ್ಮಂ ನ ವಟ್ಟತೀ’’ತಿ॥ –
Ye ca vāḷamigā keci, tesaṃ cammaṃ na vaṭṭatī’’ti. –
ಏತ್ಥ ವಾಳಮಿಗಗ್ಗಹಣೇನ ವುತ್ತಾವಸೇಸಾ ಅನ್ತಮಸೋ ಗೋಮಹಿಂಸಾದಯೋ ಗಹಿತಾತಿ ವೇದಿತಬ್ಬಾ। ಥವಿಕಾತಿ ಉಪಾಹನಕೋಸಕಸತ್ಥಕೋಸಕಕುಞ್ಚಿಕಕೋಸಕಾತಿ ವೇದಿತಬ್ಬಾ, ನ ಪತ್ತತ್ಥವಿಕಾದಯೋ। ಚಮ್ಮವಿನಿಚ್ಛಯೋ।
Ettha vāḷamigaggahaṇena vuttāvasesā antamaso gomahiṃsādayo gahitāti veditabbā. Thavikāti upāhanakosakasatthakosakakuñcikakosakāti veditabbā, na pattatthavikādayo. Cammavinicchayo.
ಚಮ್ಮನಿದ್ದೇಸವಣ್ಣನಾ ನಿಟ್ಠಿತಾ।
Cammaniddesavaṇṇanā niṭṭhitā.
