| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
၂၁. စမ္မနိဒ္ဒေသဝဏ္ဏနာ
21. Cammaniddesavaṇṇanā
၁၇၃. မိဂာ စ အဇာ စ ဧဠကာ စ, တေသံ စမ္မာနီတိ သမာသော။ အဇော ဆဂလကော။ ဧဠကော မေဏ္ဍကော။ မိဂေ ဒသ္သေတိ ‘‘ရောဟိတေ’’တိအာဒိနာ။ ရောဟိတာ-ဒိဂ္ဂဟဏံ ဥပလက္ခဏမတ္တံ, ဝာတမိဂမိဂမာတုကာဒီပိ ဧတ္ထေဝ သင္ဂယ္ဟန္တိ။
173. Migā ca ajā ca eḷakā ca, tesaṃ cammānīti samāso. Ajo chagalako. Eḷako meṇḍako. Mige dasseti ‘‘rohite’’tiādinā. Rohitā-diggahaṇaṃ upalakkhaṇamattaṃ, vātamigamigamātukādīpi ettheva saṅgayhanti.
၁၇၄. အနုညာတတ္တယာတိ အနုညာတာ ယထာဝုတ္တစမ္မတ္တယတော။ အမာနုသံဝ သဗ္ဗံ စမ္မံ ထဝိကောပာဟနေ ကပ္ပတီတိ သမ္ဗန္ဓော။ ထဝိကာ သတ္ထကကောသကာဒီတိ။
174.Anuññātattayāti anuññātā yathāvuttacammattayato. Amānusaṃva sabbaṃ cammaṃ thavikopāhane kappatīti sambandho. Thavikā satthakakosakādīti.
စမ္မနိဒ္ဒေသဝဏ္ဏနာ နိဋ္ဌိတာ။
Cammaniddesavaṇṇanā niṭṭhitā.
