| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਓਕ੍ਕਨ੍ਤਸਂਯੁਤ੍ਤਂ
4. Okkantasaṃyuttaṃ
੧. ਚਕ੍ਖੁਸੁਤ੍ਤਂ
1. Cakkhusuttaṃ
੩੦੨. ਸਾવਤ੍ਥਿਨਿਦਾਨਂ । ‘‘ਚਕ੍ਖੁਂ, ਭਿਕ੍ਖવੇ, ਅਨਿਚ੍ਚਂ વਿਪਰਿਣਾਮਿ ਅਞ੍ਞਥਾਭਾવਿ; ਸੋਤਂ ਅਨਿਚ੍ਚਂ વਿਪਰਿਣਾਮਿ ਅਞ੍ਞਥਾਭਾવਿ; ਘਾਨਂ ਅਨਿਚ੍ਚਂ વਿਪਰਿਣਾਮਿ ਅਞ੍ਞਥਾਭਾવਿ; ਜਿવ੍ਹਾ ਅਨਿਚ੍ਚਾ વਿਪਰਿਣਾਮੀ ਅਞ੍ਞਥਾਭਾવੀ 1; ਕਾਯੋ ਅਨਿਚ੍ਚੋ વਿਪਰਿਣਾਮੀ ਅਞ੍ਞਥਾਭਾવੀ; ਮਨੋ ਅਨਿਚ੍ਚੋ વਿਪਰਿਣਾਮੀ ਅਞ੍ਞਥਾਭਾવੀ। ਯੋ, ਭਿਕ੍ਖવੇ, ਇਮੇ ਧਮ੍ਮੇ ਏવਂ ਸਦ੍ਦਹਤਿ ਅਧਿਮੁਚ੍ਚਤਿ – ਅਯਂ વੁਚ੍ਚਤਿ ਸਦ੍ਧਾਨੁਸਾਰੀ, ਓਕ੍ਕਨ੍ਤੋ ਸਮ੍ਮਤ੍ਤਨਿਯਾਮਂ, ਸਪ੍ਪੁਰਿਸਭੂਮਿਂ ਓਕ੍ਕਨ੍ਤੋ, વੀਤਿવਤ੍ਤੋ ਪੁਥੁਜ੍ਜਨਭੂਮਿਂ; ਅਭਬ੍ਬੋ ਤਂ ਕਮ੍ਮਂ ਕਾਤੁਂ, ਯਂ ਕਮ੍ਮਂ ਕਤ੍વਾ ਨਿਰਯਂ વਾ ਤਿਰਚ੍ਛਾਨਯੋਨਿਂ વਾ ਪੇਤ੍ਤਿવਿਸਯਂ વਾ ਉਪਪਜ੍ਜੇਯ੍ਯ; ਅਭਬ੍ਬੋ ਚ 2 ਤਾવ ਕਾਲਂ ਕਾਤੁਂ ਯਾવ ਨ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤਿ’’।
302. Sāvatthinidānaṃ . ‘‘Cakkhuṃ, bhikkhave, aniccaṃ vipariṇāmi aññathābhāvi; sotaṃ aniccaṃ vipariṇāmi aññathābhāvi; ghānaṃ aniccaṃ vipariṇāmi aññathābhāvi; jivhā aniccā vipariṇāmī aññathābhāvī 3; kāyo anicco vipariṇāmī aññathābhāvī; mano anicco vipariṇāmī aññathābhāvī. Yo, bhikkhave, ime dhamme evaṃ saddahati adhimuccati – ayaṃ vuccati saddhānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca 4 tāva kālaṃ kātuṃ yāva na sotāpattiphalaṃ sacchikaroti’’.
‘‘ਯਸ੍ਸ ਖੋ, ਭਿਕ੍ਖવੇ, ਇਮੇ ਧਮ੍ਮਾ ਏવਂ ਪਞ੍ਞਾਯ ਮਤ੍ਤਸੋ ਨਿਜ੍ਝਾਨਂ ਖਮਨ੍ਤਿ, ਅਯਂ વੁਚ੍ਚਤਿ – ‘ਧਮ੍ਮਾਨੁਸਾਰੀ, ਓਕ੍ਕਨ੍ਤੋ ਸਮ੍ਮਤ੍ਤਨਿਯਾਮਂ, ਸਪ੍ਪੁਰਿਸਭੂਮਿਂ ਓਕ੍ਕਨ੍ਤੋ, વੀਤਿવਤ੍ਤੋ ਪੁਥੁਜ੍ਜਨਭੂਮਿਂ; ਅਭਬ੍ਬੋ ਤਂ ਕਮ੍ਮਂ ਕਾਤੁਂ, ਯਂ ਕਮ੍ਮਂ ਕਤ੍વਾ ਨਿਰਯਂ વਾ ਤਿਰਚ੍ਛਾਨਯੋਨਿਂ વਾ ਪੇਤ੍ਤਿવਿਸਯਂ વਾ ਉਪਪਜ੍ਜੇਯ੍ਯ; ਅਭਬ੍ਬੋ ਚ ਤਾવ ਕਾਲਂ ਕਾਤੁਂ ਯਾવ ਨ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤਿ’। ਯੋ, ਭਿਕ੍ਖવੇ, ਇਮੇ ਧਮ੍ਮੇ ਏવਂ ਪਜਾਨਾਤਿ ਏવਂ ਪਸ੍ਸਤਿ, ਅਯਂ વੁਚ੍ਚਤਿ – ‘ਸੋਤਾਪਨ੍ਨੋ ਅવਿਨਿਪਾਤਧਮ੍ਮੋ ਨਿਯਤੋ ਸਮ੍ਬੋਧਿਪਰਾਯਨੋ’’’ਤਿ। ਪਠਮਂ।
‘‘Yassa kho, bhikkhave, ime dhammā evaṃ paññāya mattaso nijjhānaṃ khamanti, ayaṃ vuccati – ‘dhammānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’. Yo, bhikkhave, ime dhamme evaṃ pajānāti evaṃ passati, ayaṃ vuccati – ‘sotāpanno avinipātadhammo niyato sambodhiparāyano’’’ti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੧੦. ਚਕ੍ਖੁਸੁਤ੍ਤਾਦਿવਣ੍ਣਨਾ • 1-10. Cakkhusuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੧੦. ਚਕ੍ਖੁਸੁਤ੍ਤਾਦਿવਣ੍ਣਨਾ • 1-10. Cakkhusuttādivaṇṇanā
