| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੨. ਚਕ੍ਖੁਸੁਤ੍ਤਂ
2. Cakkhusuttaṃ
੬੧. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
61. Vuttañhetaṃ bhagavatā, vuttamarahatāti me sutaṃ –
‘‘ਤੀਣਿਮਾਨਿ, ਭਿਕ੍ਖવੇ, ਚਕ੍ਖੂਨਿ। ਕਤਮਾਨਿ ਤੀਣਿ? ਮਂਸਚਕ੍ਖੁ, ਦਿਬ੍ਬਚਕ੍ਖੁ, ਪਞ੍ਞਾਚਕ੍ਖੁ – ਇਮਾਨਿ ਖੋ, ਭਿਕ੍ਖવੇ, ਤੀਣਿ ਚਕ੍ਖੂਨੀ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Tīṇimāni, bhikkhave, cakkhūni. Katamāni tīṇi? Maṃsacakkhu, dibbacakkhu, paññācakkhu – imāni kho, bhikkhave, tīṇi cakkhūnī’’ti. Etamatthaṃ bhagavā avoca. Tatthetaṃ iti vuccati –
‘‘ਮਂਸਚਕ੍ਖੁ ਦਿਬ੍ਬਚਕ੍ਖੁ, ਪਞ੍ਞਾਚਕ੍ਖੁ ਅਨੁਤ੍ਤਰਂ।
‘‘Maṃsacakkhu dibbacakkhu, paññācakkhu anuttaraṃ;
ਏਤਾਨਿ ਤੀਣਿ ਚਕ੍ਖੂਨਿ, ਅਕ੍ਖਾਸਿ ਪੁਰਿਸੁਤ੍ਤਮੋ॥
Etāni tīṇi cakkhūni, akkhāsi purisuttamo.
‘‘ਮਂਸਚਕ੍ਖੁਸ੍ਸ ਉਪ੍ਪਾਦੋ, ਮਗ੍ਗੋ ਦਿਬ੍ਬਸ੍ਸ ਚਕ੍ਖੁਨੋ।
‘‘Maṃsacakkhussa uppādo, maggo dibbassa cakkhuno;
ਯਤੋ ਞਾਣਂ ਉਦਪਾਦਿ, ਪਞ੍ਞਾਚਕ੍ਖੁ ਅਨੁਤ੍ਤਰਂ।
Yato ñāṇaṃ udapādi, paññācakkhu anuttaraṃ;
ਯਸ੍ਸ ਚਕ੍ਖੁਸ੍ਸ ਪਟਿਲਾਭਾ, ਸਬ੍ਬਦੁਕ੍ਖਾ ਪਮੁਚ੍ਚਤੀ’’ਤਿ॥
Yassa cakkhussa paṭilābhā, sabbadukkhā pamuccatī’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਦੁਤਿਯਂ।
Ayampi attho vutto bhagavatā, iti me sutanti. Dutiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੨. ਚਕ੍ਖੁਸੁਤ੍ਤવਣ੍ਣਨਾ • 2. Cakkhusuttavaṇṇanā
