| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༦. ཚཊྛཝགྒོ
6. Chaṭṭhavaggo
(༦༡) ༩. ཙཀྑུནྡྲིཡཾ སནིདསྶནནྟིཨཱདིཀཐཱ
(61) 9. Cakkhundriyaṃ sanidassanantiādikathā
༤༦༧. ཙཀྑུནྡྲིཡཾ སནིདསྶནནྟི? ཨཱམནྟཱ། རཱུཔཾ རཱུཔཱཡཏནཾ རཱུཔདྷཱཏུ…པེ॰… ཙཀྑུསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ॰…།
467. Cakkhundriyaṃ sanidassananti? Āmantā. Rūpaṃ rūpāyatanaṃ rūpadhātu…pe… cakkhussa āpāthaṃ āgacchatīti? Na hevaṃ vattabbe…pe….
ཙཀྑུནྡྲིཡཾ སནིདསྶནནྟི? ཨཱམནྟཱ། ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ…པེ॰…།
Cakkhundriyaṃ sanidassananti? Āmantā. Cakkhuñca paṭicca cakkhundriyañca uppajjati cakkhuviññāṇanti? Na hevaṃ vattabbe…pe….
ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ། ‘‘ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི། ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ། ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎ’’ནྟི།
Cakkhuñca paṭicca cakkhundriyañca uppajjati cakkhuviññāṇanti? Āmantā. ‘‘Cakkhuñca paṭicca cakkhundriyañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca cakkhundriyañca uppajjati cakkhuviññāṇa’’nti.
༤༦༨. ན ཝཏྟབྦཾ – ‘‘པཉྩིནྡྲིཡཱནི སནིདསྶནཱནཱི’’ཏི? ཨཱམནྟཱ། ནནུ པསྶཏི ཙཀྑུཾ སོཏཾ གྷཱནཾ ཛིཝ྄ཧཾ ཀཱཡནྟི? ཨཱམནྟཱ། ཧཉྩི པསྶཏི ཙཀྑུཾ སོཏཾ གྷཱནཾ ཛིཝ྄ཧཾ ཀཱཡཾ, ཏེན ཝཏ རེ ཝཏྟབྦེ – ‘‘པཉྩིནྡྲིཡཱནི སནིདསྶནཱནཱི’’ཏི…པེ॰…།
468. Na vattabbaṃ – ‘‘pañcindriyāni sanidassanānī’’ti? Āmantā. Nanu passati cakkhuṃ sotaṃ ghānaṃ jivhaṃ kāyanti? Āmantā. Hañci passati cakkhuṃ sotaṃ ghānaṃ jivhaṃ kāyaṃ, tena vata re vattabbe – ‘‘pañcindriyāni sanidassanānī’’ti…pe….
ཙཀྑུནྡྲིཡཾ སནིདསྶནནྟིཨཱདིཀཐཱ ནིཊྛིཏཱ།
Cakkhundriyaṃ sanidassanantiādikathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༠. པཐཝཱིདྷཱཏུསནིདསྶནཱཏིཨཱདིཀཐཱཝཎྞནཱ • 10. Pathavīdhātusanidassanātiādikathāvaṇṇanā
