| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೬. ಛಟ್ಠವಗ್ಗೋ
6. Chaṭṭhavaggo
(೬೧) ೯. ಚಕ್ಖುನ್ದ್ರಿಯಂ ಸನಿದಸ್ಸನನ್ತಿಆದಿಕಥಾ
(61) 9. Cakkhundriyaṃ sanidassanantiādikathā
೪೬೭. ಚಕ್ಖುನ್ದ್ರಿಯಂ ಸನಿದಸ್ಸನನ್ತಿ? ಆಮನ್ತಾ। ರೂಪಂ ರೂಪಾಯತನಂ ರೂಪಧಾತು…ಪೇ॰… ಚಕ್ಖುಸ್ಸ ಆಪಾಥಂ ಆಗಚ್ಛತೀತಿ? ನ ಹೇವಂ ವತ್ತಬ್ಬೇ…ಪೇ॰…।
467. Cakkhundriyaṃ sanidassananti? Āmantā. Rūpaṃ rūpāyatanaṃ rūpadhātu…pe… cakkhussa āpāthaṃ āgacchatīti? Na hevaṃ vattabbe…pe….
ಚಕ್ಖುನ್ದ್ರಿಯಂ ಸನಿದಸ್ಸನನ್ತಿ? ಆಮನ್ತಾ। ಚಕ್ಖುಞ್ಚ ಪಟಿಚ್ಚ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣನ್ತಿ? ನ ಹೇವಂ ವತ್ತಬ್ಬೇ…ಪೇ॰…।
Cakkhundriyaṃ sanidassananti? Āmantā. Cakkhuñca paṭicca cakkhundriyañca uppajjati cakkhuviññāṇanti? Na hevaṃ vattabbe…pe….
ಚಕ್ಖುಞ್ಚ ಪಟಿಚ್ಚ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣನ್ತಿ? ಆಮನ್ತಾ। ‘‘ಚಕ್ಖುಞ್ಚ ಪಟಿಚ್ಚ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣ’’ನ್ತಿ – ಅತ್ಥೇವ ಸುತ್ತನ್ತೋತಿ? ನತ್ಥಿ। ‘‘ಚಕ್ಖುಞ್ಚ ಪಟಿಚ್ಚ ರೂಪೇ ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣ’’ನ್ತಿ – ಅತ್ಥೇವ ಸುತ್ತನ್ತೋತಿ? ಆಮನ್ತಾ। ಹಞ್ಚಿ ‘‘ಚಕ್ಖುಞ್ಚ ಪಟಿಚ್ಚ ರೂಪೇ ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣ’’ನ್ತಿ – ಅತ್ಥೇವ ಸುತ್ತನ್ತೋ, ನೋ ಚ ವತ ರೇ ವತ್ತಬ್ಬೇ – ‘‘ಚಕ್ಖುಞ್ಚ ಪಟಿಚ್ಚ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣ’’ನ್ತಿ।
Cakkhuñca paṭicca cakkhundriyañca uppajjati cakkhuviññāṇanti? Āmantā. ‘‘Cakkhuñca paṭicca cakkhundriyañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca cakkhundriyañca uppajjati cakkhuviññāṇa’’nti.
೪೬೮. ನ ವತ್ತಬ್ಬಂ – ‘‘ಪಞ್ಚಿನ್ದ್ರಿಯಾನಿ ಸನಿದಸ್ಸನಾನೀ’’ತಿ? ಆಮನ್ತಾ। ನನು ಪಸ್ಸತಿ ಚಕ್ಖುಂ ಸೋತಂ ಘಾನಂ ಜಿವ್ಹಂ ಕಾಯನ್ತಿ? ಆಮನ್ತಾ। ಹಞ್ಚಿ ಪಸ್ಸತಿ ಚಕ್ಖುಂ ಸೋತಂ ಘಾನಂ ಜಿವ್ಹಂ ಕಾಯಂ, ತೇನ ವತ ರೇ ವತ್ತಬ್ಬೇ – ‘‘ಪಞ್ಚಿನ್ದ್ರಿಯಾನಿ ಸನಿದಸ್ಸನಾನೀ’’ತಿ…ಪೇ॰…।
468. Na vattabbaṃ – ‘‘pañcindriyāni sanidassanānī’’ti? Āmantā. Nanu passati cakkhuṃ sotaṃ ghānaṃ jivhaṃ kāyanti? Āmantā. Hañci passati cakkhuṃ sotaṃ ghānaṃ jivhaṃ kāyaṃ, tena vata re vattabbe – ‘‘pañcindriyāni sanidassanānī’’ti…pe….
ಚಕ್ಖುನ್ದ್ರಿಯಂ ಸನಿದಸ್ಸನನ್ತಿಆದಿಕಥಾ ನಿಟ್ಠಿತಾ।
Cakkhundriyaṃ sanidassanantiādikathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ಪಥವೀಧಾತುಸನಿದಸ್ಸನಾತಿಆದಿಕಥಾವಣ್ಣನಾ • 10. Pathavīdhātusanidassanātiādikathāvaṇṇanā
