| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૬. છટ્ઠવગ્ગો
6. Chaṭṭhavaggo
(૬૧) ૯. ચક્ખુન્દ્રિયં સનિદસ્સનન્તિઆદિકથા
(61) 9. Cakkhundriyaṃ sanidassanantiādikathā
૪૬૭. ચક્ખુન્દ્રિયં સનિદસ્સનન્તિ? આમન્તા. રૂપં રૂપાયતનં રૂપધાતુ…પે॰… ચક્ખુસ્સ આપાથં આગચ્છતીતિ? ન હેવં વત્તબ્બે…પે॰….
467. Cakkhundriyaṃ sanidassananti? Āmantā. Rūpaṃ rūpāyatanaṃ rūpadhātu…pe… cakkhussa āpāthaṃ āgacchatīti? Na hevaṃ vattabbe…pe….
ચક્ખુન્દ્રિયં સનિદસ્સનન્તિ? આમન્તા. ચક્ખુઞ્ચ પટિચ્ચ ચક્ખુન્દ્રિયઞ્ચ ઉપ્પજ્જતિ ચક્ખુવિઞ્ઞાણન્તિ? ન હેવં વત્તબ્બે…પે॰….
Cakkhundriyaṃ sanidassananti? Āmantā. Cakkhuñca paṭicca cakkhundriyañca uppajjati cakkhuviññāṇanti? Na hevaṃ vattabbe…pe….
ચક્ખુઞ્ચ પટિચ્ચ ચક્ખુન્દ્રિયઞ્ચ ઉપ્પજ્જતિ ચક્ખુવિઞ્ઞાણન્તિ? આમન્તા. ‘‘ચક્ખુઞ્ચ પટિચ્ચ ચક્ખુન્દ્રિયઞ્ચ ઉપ્પજ્જતિ ચક્ખુવિઞ્ઞાણ’’ન્તિ – અત્થેવ સુત્તન્તોતિ? નત્થિ. ‘‘ચક્ખુઞ્ચ પટિચ્ચ રૂપે ચ ઉપ્પજ્જતિ ચક્ખુવિઞ્ઞાણ’’ન્તિ – અત્થેવ સુત્તન્તોતિ? આમન્તા. હઞ્ચિ ‘‘ચક્ખુઞ્ચ પટિચ્ચ રૂપે ચ ઉપ્પજ્જતિ ચક્ખુવિઞ્ઞાણ’’ન્તિ – અત્થેવ સુત્તન્તો, નો ચ વત રે વત્તબ્બે – ‘‘ચક્ખુઞ્ચ પટિચ્ચ ચક્ખુન્દ્રિયઞ્ચ ઉપ્પજ્જતિ ચક્ખુવિઞ્ઞાણ’’ન્તિ.
Cakkhuñca paṭicca cakkhundriyañca uppajjati cakkhuviññāṇanti? Āmantā. ‘‘Cakkhuñca paṭicca cakkhundriyañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca cakkhundriyañca uppajjati cakkhuviññāṇa’’nti.
૪૬૮. ન વત્તબ્બં – ‘‘પઞ્ચિન્દ્રિયાનિ સનિદસ્સનાની’’તિ? આમન્તા. નનુ પસ્સતિ ચક્ખું સોતં ઘાનં જિવ્હં કાયન્તિ? આમન્તા. હઞ્ચિ પસ્સતિ ચક્ખું સોતં ઘાનં જિવ્હં કાયં, તેન વત રે વત્તબ્બે – ‘‘પઞ્ચિન્દ્રિયાનિ સનિદસ્સનાની’’તિ…પે॰….
468. Na vattabbaṃ – ‘‘pañcindriyāni sanidassanānī’’ti? Āmantā. Nanu passati cakkhuṃ sotaṃ ghānaṃ jivhaṃ kāyanti? Āmantā. Hañci passati cakkhuṃ sotaṃ ghānaṃ jivhaṃ kāyaṃ, tena vata re vattabbe – ‘‘pañcindriyāni sanidassanānī’’ti…pe….
ચક્ખુન્દ્રિયં સનિદસ્સનન્તિઆદિકથા નિટ્ઠિતા.
Cakkhundriyaṃ sanidassanantiādikathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. પથવીધાતુસનિદસ્સનાતિઆદિકથાવણ્ણના • 10. Pathavīdhātusanidassanātiādikathāvaṇṇanā
