| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૮. અટ્ઠારસમવગ્ગો
18. Aṭṭhārasamavaggo
(૧૮૫) ૯. ચક્ખુના રૂપં પસ્સતીતિકથા
(185) 9. Cakkhunā rūpaṃ passatītikathā
૮૨૬. ચક્ખુના રૂપં પસ્સતીતિ? આમન્તા. રૂપેન રૂપં પસ્સતીતિ? ન હેવં વત્તબ્બે…પે॰… રૂપેન રૂપં પસ્સતીતિ? આમન્તા. રૂપેન રૂપં પટિવિજાનાતીતિ? ન હેવં વત્તબ્બે…પે॰… રૂપેન રૂપં પટિવિજાનાતીતિ? આમન્તા. રૂપં મનોવિઞ્ઞાણન્તિ ? ન હેવં વત્તબ્બે…પે॰… ચક્ખુના રૂપં પસ્સતીતિ? આમન્તા. અત્થિ ચક્ખુસ્સ આવટ્ટના…પે॰… પણિધીતિ? ન હેવં વત્તબ્બે…પે॰… નનુ નત્થિ ચક્ખુસ્સ આવટ્ટના…પે॰… પણિધીતિ? આમન્તા. હઞ્ચિ નત્થિ ચક્ખુસ્સ આવટ્ટના…પે॰… પણિધિ, નો ચ વત રે વત્તબ્બે – ‘‘ચક્ખુના રૂપં પસ્સતી’’તિ.
826. Cakkhunā rūpaṃ passatīti? Āmantā. Rūpena rūpaṃ passatīti? Na hevaṃ vattabbe…pe… rūpena rūpaṃ passatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti ? Na hevaṃ vattabbe…pe… cakkhunā rūpaṃ passatīti? Āmantā. Atthi cakkhussa āvaṭṭanā…pe… paṇidhīti? Na hevaṃ vattabbe…pe… nanu natthi cakkhussa āvaṭṭanā…pe… paṇidhīti? Āmantā. Hañci natthi cakkhussa āvaṭṭanā…pe… paṇidhi, no ca vata re vattabbe – ‘‘cakkhunā rūpaṃ passatī’’ti.
સોતેન સદ્દં સુણાતીતિ…પે॰… ઘાનેન ગન્ધં ઘાયતીતિ…પે॰… જિવ્હાય રસં સાયતીતિ…પે॰… કાયેન ફોટ્ઠબ્બં ફુસતીતિ? આમન્તા. રૂપેન રૂપં ફુસતીતિ? ન હેવં વત્તબ્બે…પે॰….
Sotena saddaṃ suṇātīti…pe… ghānena gandhaṃ ghāyatīti…pe… jivhāya rasaṃ sāyatīti…pe… kāyena phoṭṭhabbaṃ phusatīti? Āmantā. Rūpena rūpaṃ phusatīti? Na hevaṃ vattabbe…pe….
રૂપેન રૂપં ફુસતીતિ? આમન્તા. રૂપેન રૂપં પટિવિજાનાતીતિ? ન હેવં વત્તબ્બે…પે॰… રૂપેન રૂપં પટિવિજાનાતીતિ? આમન્તા. રૂપં મનોવિઞ્ઞાણન્તિ? ન હેવં વત્તબ્બે …પે॰… કાયેન ફોટ્ઠબ્બં ફુસતીતિ? આમન્તા. અત્થિ કાયસ્સ આવટ્ટના…પે॰… પણિધીતિ? ન હેવં વત્તબ્બે…પે॰… નનુ નત્થિ કાયસ્સ આવટ્ટના…પે॰… પણિધીતિ? આમન્તા. હઞ્ચિ નત્થિ કાયસ્સ આવટ્ટના…પે॰… પણિધિ, નો ચ વત રે વત્તબ્બે – ‘‘કાયેન ફોટ્ઠબ્બં ફુસતી’’તિ…પે॰….
Rūpena rūpaṃ phusatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti? Na hevaṃ vattabbe …pe… kāyena phoṭṭhabbaṃ phusatīti? Āmantā. Atthi kāyassa āvaṭṭanā…pe… paṇidhīti? Na hevaṃ vattabbe…pe… nanu natthi kāyassa āvaṭṭanā…pe… paṇidhīti? Āmantā. Hañci natthi kāyassa āvaṭṭanā…pe… paṇidhi, no ca vata re vattabbe – ‘‘kāyena phoṭṭhabbaṃ phusatī’’ti…pe….
૮૨૭. ન વત્તબ્બં – ‘‘ચક્ખુના રૂપં પસ્સતી’’તિ…પે॰… ‘‘કાયેન ફોટ્ઠબ્બં ફુસતી’’તિ? આમન્તા. નનુ વુત્તં ભગવતા – ‘‘ઇધ, ભિક્ખવે, ભિક્ખુ ચક્ખુના રૂપં પસ્સતિ…પે॰… કાયેન ફોટ્ઠબ્બં ફુસતી’’તિ 1! અત્થેવ સુત્તન્તોતિ? આમન્તા. તેન હિ ચક્ખુના રૂપં પસ્સતિ…પે॰… કાયેન ફોટ્ઠબ્બં ફુસતીતિ.
827. Na vattabbaṃ – ‘‘cakkhunā rūpaṃ passatī’’ti…pe… ‘‘kāyena phoṭṭhabbaṃ phusatī’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu cakkhunā rūpaṃ passati…pe… kāyena phoṭṭhabbaṃ phusatī’’ti 2! Attheva suttantoti? Āmantā. Tena hi cakkhunā rūpaṃ passati…pe… kāyena phoṭṭhabbaṃ phusatīti.
ચક્ખુના રૂપં પસ્સતીતિકથા નિટ્ઠિતા.
Cakkhunā rūpaṃ passatītikathā niṭṭhitā.
અટ્ઠારસમવગ્ગો.
Aṭṭhārasamavaggo.
તસ્સુદ્દાનં –
Tassuddānaṃ –
બુદ્ધો ભગવા મનુસ્સલોકે અટ્ઠાસિ, બુદ્ધેન ભગવતા ધમ્મો દેસિતો, નત્થિ બુદ્ધસ્સ ભગવતો કરુણા, બુદ્ધસ્સ ભગવતો ઉચ્ચારપસ્સાવો અતિવિય અઞ્ઞે ગન્ધજાતે અધિગ્ગણ્હાતિ, એકેન અરિયમગ્ગેન ચત્તારિ સામઞ્ઞફલાનિ સચ્છિકરોતિ, ઝાના ઝાનં સઙ્કમતિ, અત્થિ ઝાનન્તરિકા, સમાપન્નો સદ્દં સુણાતિ, ચક્ખુના રૂપં પસ્સતિ કાયેન ફોટ્ઠબ્બં ફુસતિ.
Buddho bhagavā manussaloke aṭṭhāsi, buddhena bhagavatā dhammo desito, natthi buddhassa bhagavato karuṇā, buddhassa bhagavato uccārapassāvo ativiya aññe gandhajāte adhiggaṇhāti, ekena ariyamaggena cattāri sāmaññaphalāni sacchikaroti, jhānā jhānaṃ saṅkamati, atthi jhānantarikā, samāpanno saddaṃ suṇāti, cakkhunā rūpaṃ passati kāyena phoṭṭhabbaṃ phusati.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૯. ચક્ખુનારૂપંપસ્સતીતિકથાવણ્ણના • 9. Cakkhunārūpaṃpassatītikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૯. ચક્ખુનારૂપંપસ્સતીતિકથાવણ્ણના • 9. Cakkhunārūpaṃpassatītikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૯. ચક્ખુનારૂપંપસ્સતીતિકથાવણ્ણના • 9. Cakkhunārūpaṃpassatītikathāvaṇṇanā
